பத்மநாப சாமி கோவிலின் 6 ஆவது ரகசிய அறை திறப்பு இப்போதைக்கு இல்லை

பத்மநாப சாமி கோவிலின் 6 ஆவது
ரகசிய அறை திறப்பு இப்போதைக்கு இல்லை



உயர் நீதிமன்றம் அறிவிப்பு

கேரள மாநிலம் பத்மநாப சாமி கோவிலில் உள்ள 5 ரகசிய அறைகளில் இருந்து எடுக்கப்பட்ட
தங்கப் புதையல்கள் பற்றிய விவரங்களை பதிவு செய்வதோடு, அவற்றுக்கு முழு அளவிலான
பாதுகாப்பு ஏற்பாடுகளை செய்த பிறகே 6வது ரகசிய அறையை திறக்க வேண்டும் என உயர்
நீதிமன்றம் நேற்று முன்தினம் தெரிவித்தது.
6வது ரகசிய அறை
கேரள மாநிலம் திருவனந்தபுரத்தில் உள்ள 16ம் நூற்றாண்டு கோவிலான பத்மநாப சாமி
கோவிலில் உள்ள 5 ரகசிய அறைகளில் இருந்து சில மாதங்களுக்கு முன் ஏராளமான தங்கம்
வெள்ளி நகைகள் எடுக்கப்பட்டன. அவற்றின் மொத்த மதிப்பு ஒரு லட்சம் கோடிக்கு மேல்
இருக்கும் என மதிப்பிடப் பட்டுள்ளது. அங்குள்ள 6 வது ரகசிய அறையை திறக்க முடியாதால்
அதை மட்டும் இன்னும் திறக்கவில்லை.
இந்த சூழ்நிலையில், 6 வது அறையை திறந்தால் கேடு விளையும் என கோவிலை நிர்வகித்து
வரும் திருவாங்கூர் மன்னர் குடும்பத்தினர் எதிர்ப்பு தெரிவித்தனர். இது தொடர்பாக,
சுப்ரீம் கோர்ட்டில் மனு தாக்கல் செய்யப்பட்டுள்ளது. அதே நேரத்தில், தங்கப் புதையல்
தொடர்பான வழக்கை விசாரித்து வரும் நீதிபதி ரவீந்திரன் தலைமையிலான சுப்ரீம் கோர்ட்
பெஞ்சு, வல்லுநர் குழு ஒன்றையும் அமைத்துள்ளது.
கடந்த முறை நடந்த வழக்கு விசாரணையின் போது, கோவிலின் பாரம்பரியமும் கலாசாரமும்
பாதுகாக்கப்பட வேண்டும் என்றும் கோவிலின் வழக்கத்துக்கு குந்தகம் நேரிடாமல்
பாதுகாப்பு அளிக்கப்பட வேண்டும் என்றும் சுப்ரீம் கோர்ட் பெஞ்சு தெரிவித்தது.
அப்போது, கோவிலின் பாதுகாப்பு பணியை துணை இராணுவத்திடம் ஒப்படைக்கலாம் என வல்லுநர்
குழு அறிக்கை தாக்கல் செய்தது.
இதைத் தொடர்ந்து, அனைத்து தரப்பினரின் வாதங்கள் முடிந்து 6 வது அறையை திறப்பது
குறித்த தீர்ப்பை ஒத்தி வைப்பதாக கடந்த 16ம் திகதி அன்று சுப்ரீம் கோர்ட்டு
அறிவித்தது. இந்த நிலையில், 6 வது ரகசிய அறையை திறப்பது தொடர்பான தீர்ப்பை சுப்ரீம்
கோர்ட்டு நேற்று அறிவித்தது. இது தொடர்பாக தீர்ப்பில் கூறப்பட்டுள்ளதாவது,
கோவிலின் 5 ரகசிய அறைகளில் இருந்து ஏற்கனவே எடுக்கப்பட்ட ஒவ்வொரு சொத்துக்கள்
பற்றிய விவரங்களையும் தகவல்களையும் பதிவு செய்ய வேண்டும்.
மேலும், அந்த சொத்துக்களை பேணி பாதுகாக்க விரிவான ஏற்பாடுகளை செய்ய வேண்டும். இது
தொடர்பான பணிகளை முடித்த செய்த பிறகே 6 வது ரகசிய அறை திறக்கப்பட வேண்டும். கோவிலின்
பாதுகாப்பு முழுவதையும் கேரள அரசே மேற்கொள்ள வேண்டும். மத்திய துணை இராணுவம்
தேவையில்லை. கோவிலின் பாதுகாப்புக்காகவும், கண்டெடுக்கப்பட்ட சொத்துக்களின்
பாதுகாப்புக்காகவும் ஆண்டு தோறும் ரூ. 25 இலட்சத்தை கோவில் நிர்வாகம் அளிக்க
வேண்டும்.

மீதி பாதுகாப்பு செலவை கேரள அரசு ஏற்றுக் கொள்ள வேண்டும். பாதுகாப்பு
பணிகளை கேரள மாநில எலக்ட்ரானிக் மேம்பாட்டு கழகம் (கெல்ட்ரான்) மேற்கொள்ள வேண்டும்.
3 மாதங்களுக்கு பிறகு முடிவு
கோவில் மற்றும் கண்டெடுக்கப்பட்ட தங்கப்புதையல் ஆகியவற்றின் பாதுகாப்பு பணியை
எந்தவொரு தனியாருக்கும் ஒப்பந்த முறையில் வழங்கிவிடக் கூடாது. கோவிலின் பிரதான
வளாகத்தில் இருந்து கடைகள் மற்றும் அரசியல் கட்சிகளின் அலுவலகங்கள் போன்றவை
உடடினயாக அப்புறப்படுத்தப்பட வேண்டும்.
இந்த வழக்கின் அடுத்தகட்ட விசாரணை 3 மாதங்களுக்கு பிறகு நடைபெறும். அதன் பிறகு 6 வது
ரகசிய அறையை திறப்பது குறித்து முடிவு எடுக்கும் போது பக்தர்களின் உணர்வுகள்,
கோவிலின் பாரம்பரியம் ஆகியவற்றை மனதில் கொண்டு சொந்த அறிவுடன் தீர்மானிக்கப்படும்.

இன்று மக்களுக்கு போய் சேரவேண்டிய முக்கிய சொத்துக்கள் எல்லாம் அங்குதான் இருக்கிறது என்று ஒரு தகவல் படித்த ஞாபகம் இருக்கிறது.