ஜெயலலிதா பற்றி அவதூறு வழக்கு: பொன்முடி ஜாமீன் மனு திருவாரூர் கோர்ட்டில் தள்ளுபடி

திருவாரூரில் கடந்த ஜூன் 5-ந் தேதி நடந்த தி.மு.க. நன்றி அறிவிப்பு
பொதுக் கூட்டத்தில் கலந்து கொண்டு பேசிய முன்னாள் அமைச்சர் பொன்முடி,
முதல்- அமைச்சர் ஜெயலலிதாவை அவதூறாகவும், கொலை மிரட்டல் விடுத்ததாக
திருவாரூர்டவுண் போலீசில் புகார் செய்யப்பட்டது.

ஏற்கனவே
நில அபகரிப்பு தொடர்பாக கைது செய்யப்பட்டு கடலூர் மத்திய சிறையில்
அடைக்கப்பட்டிருந்த பொன்முடியை இந்த வழக்கில் செப்டம்பர் 15-ந் தேதி
திருவாரூர் போலீசார் கைது செய்து திருவாரூர் குற்றவியல் நடுவர்
நீதிமன்றத்தில் ஆஜர்படுத்தினர்.

வழக்கை விசாரித்த
நீதிபதி செப்டம்பர் 29-ந்தேதி வரை நீதிமன்ற காவலில் அடைக்க நீதிபதி
சந்திரசேகரன் உத்தரவிட்டார். அதனை தொடர்ந்து மீண்டும் பொன்முடி கடலூர்
சிறையிலேயே அடைக்கப்பட்டார். கடந்த 19-ந்தேதி திருவாரூர் குற்றவியல் நடுவர்
நீதிமன்றத்தில் அளிக்கப்பட்ட பொன்முடியின் ஜாமீன் மனு தள்ளுபடி
செய்யப்பட்டது.

அதனை தொடர்ந்து மீண்டும் பொன்முடி
சார்பில் அவரது வக்கீல் மணிவண்ணன் திருவாரூர் மாவட்ட அமர்வு நீதிமன்றத்தில்
ஜாமீன் கோரி மனு செய்தார். இந்த மனு நேற்று விசாரணைக்கு வந்தது. வழக்கை
விசாரணைக்கு எடுத்து கொண்ட நீதிபதி இளங்கோ முன்னாள் அமைச்சர் பொன்முடி
மனுவை தள்ளுபடி செய்து உத்தரவிட்டார்.

மாலை மலர்