லிபிய தலைநகர் திரிபோலியில் பாரிய மனித புதைகுழி

by **நண்பன்** Tue 27 Sep 2011 - 11:05

லிபிய தலைநகர் திரிபோலியில்
பாரிய மனித புதைகுழி

கொல்லப்பட்ட 1700 சிறைக் கைதிகளின் உடல்கள் என சந்தேகம்

லிபிய தலைநகர் திரிபோலியில் பாரிய மனிதப் புதை குழி ஒன்று கண்டு பிடிக்கப்பட்டுள்ளது.
இதிலிருந்து 1200 க்கும் மேற்பட்ட உடல் எச்சங்கள் மீட்கப்பட்டதாக லிபிய இடைக்கால
அரசு குறிப்பிட்டுள்ளது.
லிபிய தலைநகர் திரிபோலியில் பாரிய மனித புதைகுழி W2

லிபிய தலைநகர் திரிபோலியில் பாரிய மனித புதைகுழி W2

கடந்த 1996 ஆம் ஆண்டு திரிபோலி அபூ சலிம் சிறைச்சாலையில் கொல்லப்பட்ட 1700 க்கும்
மேற்பட்ட கைதிகளின் உடல்களாக இவை இருக்கலாம் என சந்தேகிக்கப்படுகிறது. அபூ சலிம்
சிறைச்சாலைக்கு அண்மையில் உள்ள பாலைவன பகுதியிலேயே இந்த பாரிய மனிதப் புதைகுழி கண்டு
பிடிக்கப்பட்டுள்ளது. இந்த புகைகுழியின் மேற்பரப்பில் இருந்து உடல் எச்சங்கள்
மற்றும் உடைகளின் பகுதிகள் கண்டெடுக்கப்பட்டுள்ளன.
எனினும் இந்த மனித புதை குழி குறித்து சந்தேகங்களும் எழுப்பப்பட்டு வருகிறது. இந்
நிலையில் இந்த புகைகுழி குறித்து சோதனை நடத்த சர்வதேச உதவியை கோரவுள்ளதாக லிபிய
இடைக்கால அரசு குறிப்பிட்டுள்ளது.
கடந்த 1996 ஆம் ஆண்டு சிறைச்சாலை வசதிகள் குறித்து கைதிகள் புகார் எழுப்பியதைத்
தொடர்ந்து கைதிகளை கொல்ல முஅம்மர் கடாபி உத்தரவிட்டதாக குற்றம்சாட்டப்பட்டுள்ளது.
இதனைத் தொடர்ந்து 1,700 க்கும் மேற்பட்ட சிறைக் கைதிகள் கொல்லப்பட்டதாக
தெரிவிக்கப்படுகிறது. இவ்வாறு கொல்லப்பட்டவர்களின் உடல் எச்சங் களே மேற்படி
புதைகுழியில் கண்டெடுக்கப்பட் டதாக நம்பப்படுகிறது.
குறித்த காலத்தில் அபு சலிம் சிறைச்சாலையில் பணி புரிந்த சிறைக்காவலர்களிடம்
நடத்தப்பட்ட விசாரணை மூலமே இந்த பாரிய மனித புதைகுழி கண்டுபிடிக்கப்பட்டதாக
இடைக்கால அரசு கூறியுள்ளது. இதேவேளை லிபிய முன்னாள் தலைவர் முஅம்மர் கடாபியின்
சொந்த ஊரான சிர்த்தின் மீதான தாக்குதல் தற்காலிகமாக நிறுத்தி வைக்கப்பட்டது.
கடாபியின் சொந்த ஊரான சிர்தே அரசு எதிர்ப்புப் படையினரால் சுற்றி வளைக்கப்பட்டுள்ளது.
கடாபியின் படைகளுக்கும், அரசு எதிர்ப்புப் படைகளுக்கும் இடையே
வெள்ளிக்கிழமையிலிருந்து கடுமையான சண்டை நடந்து வந்தது.
இந் நிலையில் நேட்டோவின் உத்தரவின் பேரில் அரசு எதிர்ப்புப் படையினர் தங்கள்
தாக்குதல்களை நிறுத்தியுள்ளனர். நேட்டோ படையினர் தாக்குதல்களை மேற்கொள்ள உள்ளதாலேயே
அரசு எதிர்ப்புப் படையினரின் தாக்குதல் நிறுத்தி வைக்கப்பட்டுள்ளதாகத் தகவல்கள்
தெரிவிக்கின்றன.
நகரைக் கைப்பற்றும் நோக்கில் வலுவான சுற்று முற்றுகை ஏற்படுத்தப்பட்டுள்ளது. கவச
வாகனங்களும், பீரங்கிகளும், ரொக்கெட் ஏவு வாகனங்களும் நகரைக் குறி வைத்து
நிறுத்தப்பட்டுள்ளன.
தாக்குதல் தொடங்கப்பட்டால் நகரினுள் கடுமையான சண்டை மூளும் என்றும், வீதிகளில் தான்
அதிகளவில் துப்பாக்கிப் பிரயோகம் நடைபெறும் என்றும் அரசு எதிர்ப்புப் படையைச்
சேர்ந்த வீரர் ஒருவர் கூறினார்.
எனினும் கடாபி ஆதரவுப் படையி னரின் கட்டுப்பாட்டிலுள்ள சிர்த், பானிவலீத் பகுதிகளை
கைப்பற்றும் முயற்சியில் கடந்த 24 மணி நேரத்திற்குள் 30 க்கும் மேற்பட்ட
கிளர்ச்சியாளர்கள் கொல்லப்பட்டதாக மருத்துவ வட்டார ங்கள் தெரிவிக்கின்றன.