மகளின் முதல் படவிழாவை புறக்கணித்த கமல்!

by **நண்பன்** Thu 29 Sep 2011 - 22:04

'7ஆம்
அறிவு' படத்தின் பாடல் வெளியீட்டு விழாவுக்கு ஏன் வரவில்லை கமல்?
இத்தனைக்கும் அவர் சென்னையில்தானே இருந்தார் என்று மண்டையை பிய்த்துக்
கொள்கிறது நிருபர்கள் ஏரியா. இந்த படத்தின் கதாநாயகி கமலின் வாரிசு என்பதை
அனைவரும் அறிந்திருக்கலாம். மகளின் முதல் தமிழ் படம். அதுவும் வெற்றிப்பட
கூட்டணி கொடுத்திருக்கும் வாய்ப்பு. இவர்களை பாராட்டவும் ஊக்கப்படுத்தவும்
வந்திருக்கலாமே என்பதுதான் நிருபர்களின் யோசனை. ஆனால் தான் வரப்போவதில்லை
என்பதே பல வாரங்களுக்கு முன்பே முடிவு செய்துவிட்ட கமல், ஒரு வீடியோ பதிவை
மட்டும் அப்பவே தயார் செய்துவிட்டாராம். அதைதான் விழாவில் ஒளிபரப்பி
ரசிகர்களை கூலாக்கினார்கள். உண்மையில் கமல் வராமல் போனதற்கு காரணம் என்ன?
வேறொன்றுமில்லை, அவர் தற்போது நடித்துவரும் 'விஸ்வரூபம்' படத்தில் ஒரு
முக்கியமான கெட்டப்பில் தோன்றுகிறாராம். அதற்காக மீசையை எடுத்துவிட்டு தாடி
மட்டும் வைத்திருக்கிறார். இந்த தோற்றம் வெளியே தெரிந்தால் பெப்
போய்விடும் என்பதால்தான் இந்த விழாவையே புறக்கணித்தாராம் அவர். மகள விட சாருக்கு சினிமாதான் இஷ்டம் போல....