2012ம் ஆண்டுக்கான வரவு செலவுத்திட்டம் 18ஆம் திகதி பாராளுமன்றத்தில் சமர்ப்பிப்பு

by **நண்பன்** Sat 8 Oct 2011 - 10:51

2012ம் ஆண்டுக்கான வரவு செலவுத்திட்டம்
18ஆம் திகதி பாராளுமன்றத்தில் சமர்ப்பிப்பு

நவம்பர் 21 இல் விவாதம்

மொத்த செலவினம் ரூ. 2220 பில்லியன்

மொத்த வருமானம் ரூ. 1115 பில்லியன்

பொருளாதார வளர்ச்சி வேகத்தை 8 வீதமாக பேண திட்டம்

அரச ஊழியர் சம்பள உயர்வு / மேலும் வேலைவாய்ப்புகள்

எம். எஸ். பாஹிம்

2012 ஆம் ஆண்டிற்கான வரவு செலவுத் திட்டம் எதிர்வரும் 18ஆம் திகதி பாராளு
மன்றத்தில் சமர்ப்பிக்கப் படவுள்ளதோடு இது தொடர்பான விவாதம் நவம்பர் 21 ஆம் திகதி
ஆரம்பிக் கப்பட உள்ளதாக அமைச்சரவைப் பேச்சாளர் கெஹலிய ரம்புக்வெல்ல தெரிவித்தார்.
2012 ஆம் ஆண்டிற்கான வரவு செலவுத் திட்டத்திற்கு அமைச்சரவை அனுமதி வழங்கியுள்ளதாக
கூறிய அமைச்சர் 2012 ஆம் ஆண்டிற்கான அரசாங்கத்தின் மொத்த செலவினம் 2220 பில்லியன்
ரூபா எனவும் மொத்த வருமானம் 1115 பில் லியன் ரூபா எனவும் மதிப்பிடப்பட்
டுள்ளதாகவும் அவர் குறிப்பிட்டார்.
அமைச்சரவை முடிவுகளை அறிவிக்கும் ஊடகவியலாளர் மாநாடு நேற்று மகாவலி நிலையத்தில்
நடைபெற்றது.
இங்கு கருத்துத் தெரிவித்த அமைச்சர் மேலும் கூறியதாவது :
அடுத்த வரவு செலவுத் திட்டத்தினூடாக அரசாங்க ஊழியர்களுக்கு சம்பள உயர்வு வழங்கவும்
அரச துறைக்கு மேலும் உத்தியோகஸ்தர்களை சேர்க்கவும் நிதி ஒதுக்கப்படும்.
வரவு செலவுத் திட்ட நகல் சட்டமூலம் வர்த்தமானியில் பிரசுரிக்கப்பட்ட பின்னர்
பாராளுமன்றத்தில் சமர்ப்பிக்கப்படும். இதன்படி நகல் சட்டமூலத்தின் மீதான முதலாவது
வாசிப்பு ஒக்டோபர் 18 ஆம் திகதியும் இரண்டாம் வாசிப்பு நவம்பர் 21 ஆம் திகதியும்
இடம்பெறவுள்ளது. 2012 ஆம் வருடத்திற்கான வரவு செலவுத் திட்ட மதிப்பீடு உள்நாட்டு
உற்பத்தியில் 6.2 வீதமாகவும் இருக்கும் வகையில் அமையும்.
பொருளாதார வளர்ச்சி வேகத்தை 8 வீதமாக பேணவும் வருடாந்த பணவீக்க வேகத்தை 6 முதல் 7
வீதத்திற்கு இடைப்பட்ட அளவில் மட்டுப்படுத்தவும் உத்தேசிக்கப்பட்டுள்ளது.
அடுத்த வருட வரவு செலவுத் திட்டத்தில் புதிய திட்டங்களுக்கு நிதி ஒதுக்கவும்
ஏற்கெனவே ஆரம்பிக்கப்பட்ட அபிவிருத்தித் திட்டங்களை நிறைவு செய்யவும் முன்னுரிமை
வழங்கப்படும். 2012 – 14 ஆம் ஆண்டுகளில் நிதி முகாமைத்துவம் செய்ய நடவடிக்கை
எடுக்கப்படும். 2012 ஆம் ஆண்டின் மூலதனச் செலவு 1111 பில்லியனாகவும் அபிவிருத்தித்
திட்டங்களுக்கான முலீட்டுச் செலவு 541 பில்லியனாகவும் இருக்கும்.
இந்த வருடத்தில் 8 வீதத்தை விட அதிக பொருளாதார வளர்ச்சி காணப்பட்டது. 2012 லும் 8
வீத பொருளாதார வளர்ச்சி வீதம் பேணப்பட உள்ளது. ஏனைய வலய நாடுகளுடன் ஒப்பிடுகையில்
இது பாரிய முன்னேற்றமாகும்.