சர்வதேச கிரிக்கெட் எப்படி ஊழலில் திளைத்துள்ளது

கிரிக்கெட் சூதாட்ட புகாரில் சிக்கி 10 ஆண்டுகள் தடை விதிக்கப்பட்ட முன்னாள் பாகிஸ்தான்
கேப்டன் சல்மான் பட், இங்கிலாந்துக்கு எதிரான அந்த சர்ச்சைக்குரிய போட்டியில் ஒரு ஓவரில் ரன் எடுக்கவேண்டாம் என்ற சூதாட்டக்காரர்களின் வலியுறுத்தலுக்கு இணங்கியதாய் ஒப்புக் கொண்டுள்ளார்.




சர்ச்சைக்குரிய அந்த டெஸ்ட் போட்டி ஓவலில் நடைபெற்றது, அதில் முதல் ஓவரில் சூதாட்டக்காரர்களின் நம்பிக்கைக்கு தான் பாத்திரமானவன் என்பதை நிரூபிக்க இங்கிலாந்து கடசி நாளன்று வீசிய முதல் ஓவரில் ரன் எடுக்காமல் வேண்டுமென்றே மைடன் ஓவர் விட்டதை லண்டன் நீதிமன்றத்தில் ஒப்புக் கொண்டார்.

மஷர் மஜீத் என்ற சூதாட்டத் தரகரும், லண்டன் பத்திரிக்கையைச் சேர்ந்த மாறுவேடத்தில் இருந்த பத்திரிக்கையாளர் ஒருவரும் நடத்திய இந்த நாடகத்தில் 10,000 பவுண்டுகளை பெற்று கொண்டு சல்மான் பட் சூதாட்டக்காரர்களுக்கு ஒத்துழைத்தார் என்பதே குற்றச்சாட்டாகும்.

சல்மான் பட்டிற்கும் சூதாட்டக்காரருக்கு நடைபெற்ற உரையாடல் லண்டன் கோர்ட் நீதிபதிக்கு போட்டுக் காண்பிக்கப்பட்டது.

அதில் மஜீத் "முதல் ஓவர் மைடன் ஓவர் ஞாபகம் உள்ளதா?" என்று கேட்டார்.

அதற்கு சல்மான் பட்: ஆம் என்றார் உடனே மஜீத்: நீங்கள் எதிர்கொள்ளும் 3வது ஓவர் மேலும் ஒரு ஓவரை மைடன் செய்யவேண்டும்" என்றார்.

நேற்று நடைபெற்ற இந்த விசாரணையின் போது நீதிபதியிடம் வழ்க்குறைஞர் தெரிவிக்கையில், "இந்த வழக்கு சர்வதேச கிரிக்கெட் எப்படி ஊழலில் திளைத்துள்ளது என்று தெரிகிறது. இதில் பாகிஸ்தானின் முக்கிய வீரர்கள் இடம்பெற்றிருப்பதையும் நாம் பார்க்கிறோம்" என்றார்.

இந்த விசாரணை மேலும் 1 மாதம் நீடிக்கும் என்று எதிர்பார்க்கப்படுகிறது.