எகிப்தில் மீண்டும் கலவரம்: 24 பேர் பலி; 200க்கும் மேற்பட்டோர் காயம்

by *சம்ஸ் Tue 11 Oct 2011 - 6:38

எகிப்தில் மீண்டும் கலவரம்: 24 பேர் பலி; 200க்கும் மேற்பட்டோர் காயம்
எகிப்தில் கிறிஸ்தவர்களுக்கும் பாதுகாப்பு படையினருக்கும் இடையில் ஏற்பட்ட மோதலில் 24 பேர் பலியானதோடு 200 க்கும் மேற்பட்டோர் காயமடைந்தனர்.

எகிப்து தலைநகர் கெய்ரோவில் ஆரம்பமான கலவரம் இரண்டாவது தலைநகரான அலக்சான்ட்ரியாவுக்கு பரவியது. இதனைத் தொடர்ந்து நேற்று முன்தினம் இரவு கெய்ரோவில் ஊரங்கு சட்டம் அமுல்படுத்தப்பட்டது. அத்துடன் அவசர அமைச்சரவைக் கூட்டத்தை கூட்டவும் பிரதமர் எஸ்ஸாம் ஷராப் தீர்மானித்துள்ளார்.

அஸ்வான் மாகாணத்தில் கிறிஸ்தவ தேவாலயம் ஒன்று தாக்கப்பட்டதற்கும் அந்நாட்டு அரச ஊடகங்கள் கிறிஸ்தவர்களுக்கு எதிராக செயற்படுவ தாகவும் கூறி நேற்று முன்தினம் கிறிஸ்தவர்கள் கெய்ரோவில் ஆர்ப்பா ட்டத்தில் ஈடுபட்டனர். இதன் போதே பாதுகாப்புப் படையினருக்கும் ஆர்ப்பாட்டகாரர்களுக்கும் இடையில் மோதல் ஏற்பட்டது.

இதில் ஆர்ப்பாட்டக்காரர்கள் பொலிஸார் மீது கல்வீச்சு நடத்தியதோடு பதிலுக்கு பொலிஸார் ரப்பர் குண்டுகளால் தாக்குதல் நடத்தினர்.

எனினும் ஆர்ப்பாட்டத்திற்கு கும்பல் ஒன்று தாக்குதல் நடத்தியதைத் தொடர்ந்தே பொலிஸாருடன் மோதல் ஏற்பட்டதாக ஆர்ப்பாட் டக்காரர்கள் குறிப்பிட்டுள்ளனர்.

எகிப்தில் அண்மைக்காலமாக கிறிஸ்தவர், முஸ்லிம்களுக்கு இடையில் மோதல்கள் தீவிரமடைந்துள்ளன.

இந்த மோதல்கள் எகிப்தின் பாதுகாப்புக்கு கடும் அச்சுறுத்தலாக உள்ளதாக பிரதமர் எஸ்ஸாம் ஷராப் குறிப்பிட்டுள்ளார். எகிப்தில் 10 வீதமான கிறிஸ்தவர்கள் வாழ்ந்து வருகின்றனர்.