கிரெடிட் கார்டுகள் வாயிலானவர்த்தகம் ரூ.8,079 கோடியாக உயர்வு

சென்ற ஆகஸ்ட் மாதத்தில், கிரெடிட் கார்டு வாயிலாக, 8,078.98 கோடி ரூபாய் மதிப்பிற்கு, வர்த்தகம் மேற் கொள்ளப்பட்டுள்ளது. இது, கடந்த ஆண்டு இதே மாதத்தில் மேற்கொள்ளப்பட்ட பரிவர்த்தனை மதிப்பை விட, 29.1 சதவீதம் (6,259.42 கோடி ரூபாய்) அதிகமாகும்.அதேசமயம், பரிவர்த்தனைக்கு பயன்படுத்தபட்ட கிரெடிட் கார்டுகளின் எண்ணிக்கை, 6.7 சதவீதம் சரிவடைந்து, 1 கோடியே, 75 லட்சமாக குறைந்துள்ளது. இந்த எண்ணிக்கை, கடந்த 2010ம் ஆண்டு ஆகஸ்ட் மாதத்தில், 1 கோடியே88 லட்சமாக அதிகரித்து காணப்பட்டது. இந்தியாவில் மக்களின் செலவிடும் வருவாய் அதிகரித்து வருகிறது. இதனால் கிரெடிட் கார்டு மற்றும் டெபிட் கார்டுகள் வாயிலான வர்த்தகம் உயர்ந்து வருவதாக தெரிய வந்துள்ளது. இதற்கு எடுத்துக்காட்டாக, நடப்பு 2011-12ம் நிதியாண்டின், ஏப்ரல் முதல் ஆகஸ்ட் வரையிலான காலத்தில், கிரெடிட் கார்டு பரிவர்த்தனை மதிப்பு, 37 ஆயிரத்து 678 கோடியாக உள்ளது. இது, கடந்த 2010-11ம் நிதியாண்டின் இதே மாதங்களில், 29 ஆயிரத்து 25 கோடி ரூபாயாக இருந்தது. கடந்த ஆகஸ்ட் மாதத்தில், டெபிட் கார்டுகள் வாயிலான பரிவர்த்தனை மதிப்பு, 37.3 சதவீதம் வளர்ச்சி கண்டு, 4,561 கோடி ரூபாயாக உள்ளது. இது, கடந்த 2010ம் ஆண்டு ஆகஸ்ட் மாதத்தில், 3,321 கோடி ரூபாயாக இருந்தது என, ரிசர்வ் வங்கி வெளியிட்டுள்ள புள்ளி விவரத்தில் தெரிவிக்கப் பட்டுள்ளது.நடப்பு 2011ம் ஆண்டு ஆகஸ்ட் மாதம் வரையிலான காலத்தில், டெபிட் கார்டுகளின் எண்ணிக்கை 25 கோடியே, 14 லட்சமாக உயர்ந்துள்ளது. இது, சென்ற 2010ம் ஆண்டின் இதே காலத்தில், 20 கோடியாக இருந்தது. ஏப்ரல்-ஆகஸ்ட் வரையிலான ஐந்து மாத காலத்தில், டெபிட் கார்டுகள் மூலம் மேற்கொள்ளப்பட்ட பரிவர்த்தனை மதிப்பு, 43.5 சதவீதம் அதிகரித்து, 20 ஆயிரத்து 484 கோடி ரூபாயாக வளர்ச்சி கண்டுள்ளது.கடந்த நிதியாண்டு முதல், கிரெடிட் மற்றும் டெபிட் கார்டுகள் வயிலான வர்த்தக மதிப்பு தொடர்ந்து அதிகரித்து வருகிறது என, ஆய்வாளர் ஒருவர் தெரிவித்தார். மேலும்,சென்ற 2010-11ம் நிதியாண்டில், மதிப்பின் அடிப்படையிலான, கிரெடிட் கார்டு வர்த்தகம் 22.15 சதவீதம் உயர்ந்து, 75 ஆயிரத்து, 516 கோடி ரூபாயாக உள்ளது.

இது ஒரு மோசடி வியாபாரம் கிரிடிட் கார்ட் ஒரு அபாயமான பொருள் ஜாக்கிரதையாக கையாலாவிட்டால் மிக பெரிய சேதத்தை ஏற்படுத்தி விடும் ஜாக்கிறதை