அப்பாவுக்கு உதவியாளராக களமிறங்கும் அக்ஷ்ராஹாசன்...!

நடிகர் கமல்ஹாசனின் இரண்டாவது மகள் அக்ஷ்ராஹாசன், தனது அக்கா ஸ்ருதியை
போல் ஒரு நடிகையாக வருவார் என்று எதிர்பார்த்திருந்த நிலையில், தன்னுடைய
அப்பாவுக்கு உதவியாக விஸ்வரூபம் படத்தில் உதவி இயக்குநராக களமிறங்க
இருக்கிறார். நடிகர் கமல்ஹானின் 2வது மகள் அக்ஷ்ரா, தாயார் சரிஹாவுடன்
வளர்ந்து வருகிறார். நடிப்பை காட்டிலும் டைரக்ஷ்ன் மற்றும் நடனத்தில் தான்
ஆர்வம் காட்டி வருகிறார். மேலும் நான் எப்பவும் திரைக்கு பின்னால் தான்
இருக்க விரும்புகிறேன் என்று அடிக்கடி கூறி வந்தார்.சமீபத்தில் மணிரத்னம்
படத்தில் அக்ஷ்ரா நடிக்க போவதாக ஒரு தகவல் வெளியானது. ஆனால் கடைசியில், அது
வெறும் வதந்தி தான். இருந்தும் அக்ஷ்ரா விரைவில் திரையில் நடிகையாக
தோன்றுவார் என்று செய்திகள் வந்த வண்ணம் இருந்தது. இந்நிலையில் நடிகர்
கமல்ஹாசன் இயக்கி, நடித்து வரும் விஸ்வரூபம் படத்தில், உதவி இயக்குநராக
களமிறங்குகிறார் அக்ஷ்ரா. எதிர்காலத்தில் தனது தந்தையை வைத்து ஒரு படம்
இயக்கும் ஐடியாவில் அக்ஷரா இருப்பதாகவும், அதற்கு முன்னோடியாக இப்படத்தில்
உதவி இயக்குநராக பணியாற்றுகிறாராம். ஏற்கனவே அக்ஷ்ரா, இந்தியில் டைரக்டர்
ராகுல் தோலாகியாவிடம் "சொசைட்டி" எனும் படத்தில் உதவியாளராக
பணிபுரிந்துள்ளார் என்பது குறிப்பிடத்தக்கது

:!+: :”@: