கைகூடுமா ராணாவில் அஜித்தை இணைக்கும் திட்டம்? _

ராணா படத்தில் அஜித்தை நடிக்க வைக்க ரஜினி முயற்சி எடுத்து வருகிறாராம்.

ராணா அறிவிக்கப்பட்டதே தவிர அடுத்த அடியை எடுத்து வைக்க முடியாமல் திண்டாடுகிறார்கள் ராணா படக்குழுவினர். தன்னால் ராணா படப்பிடிப்புக்கள் தள்ளித்தள்ளி போவதால் ரொம்பவே வருத்தத்தில் உள்ளாராம் சுப்பர் ஸ்டார்.

இதனை முடிவுக்குக் கொண்டுவரும் நோக்கில் ரஜினி, தனக்குரிய கதாபாத்திரத்தை தலயிடம் கொடுத்து விட்டு தானும் அதில் கௌரவ வேடத்தில் தோன்றினால் சரி என்பதுதானாம் ரஜினியின் திட்டம்.

திட்டம் என்னவோ சிறப்பாக இருந்தாலும் கொலிவூட்டில் பரப்பப்படும் வதந்திகளில் ஒன்றாக மாறாவிட்டால் தல ரசிகர்களுக்கு கொண்டாட்டம் தான்.

ராணாவில் அஜித்தை வைத்து நகர்த்தும் இந்தத்திட்டத்திற்கு இப்படத்தின் தயாரிப்பு தரப்பிலிருந்தும் பச்சைக் கொடி உயர்த்தப்பட்டிருக்கிறதாம்.

அண்மையில் அஜித் பேட்டி ஒன்றில் தெரிவிக்கையில் தான் ரஜினியுடன் ஒரு படத்தில் நடிப்பதே தன் இலட்சியம் என தெரிவித்திருந்தார். ராணாவில் இவரது ஆசை நிறைவேறிவிடும் போலிருக்கே...!

மேலும், ரஜினிக்கு அஜித் மீது எப்போதுமே ஒரு தனி கவனம் உண்டு அது வேறு கதை இருப்பினும் ரஜினி பற்றி அஜித் அண்மையில் நாளிதழ் ஒன்றுக்கு அளித்த பேட்டியில் 'நான் ரஜினி சேரை தமிழ் சினிமாவின் துரோணாச்சாரியாகத்தான் பார்க்கிறேன். துரோணாச்சாரியாரின் அர்ஜுனனாக மக்கள் யாரை ஏற்றுக்கொள்வார்கள் என்பதில் கவலையில்லை. நான் ஏகலைவனாகவே இருக்க ஆசைப்படுகிறேன்' என குறிப்பிட்டிருந்தார்.

ராணாவில் ரஜினியே தனது இடத்தை வழங்கி அஜித்தை தனது அர்ஜுனனாக காட்டிவிடுவார் போல தெரிகிறதே...... _

என்னமோ பண்ணுங்க படம் நல்லா இருந்தா சரிதான் இல்லாட்டியும் ஒரு தரம் பார்ப்போம் {))