சொத்து குவிப்பு வழக்கு: பெங்களூர் கோர்ட்டில் ஜெயலலிதா ஆஜர்; தனி விமானத்தில் சென்றார்

சொத்து குவிப்பு வழக்கில் முதல்-அமைச்சர் ஜெயலலிதா பெங்களூர்
கோர்ட்டில் இன்று ஆஜர் ஆனார். முதல்-அமைச்சர் ஜெயலலிதா மீது தி.மு.க.
ஆட்சியின்போது சொத்து குவிப்பு வழக்கு தொடரப்பட்டது. வழக்கு விசாரணை
சென்னை தனிக்கோர்ட்டில் இருந்து பெங்களூர் தனிக்கோர்ட்டுக்கு
மாற்றப்பட்டது.

இந்த வழக்கில் ஜெயலலிதா நேரில்
ஆஜராக வேண்டும் என்று தனிக்கோர்ட்டு நீதிபதி உத்தரவிட்டார். பாதுகாப்பு
காரணங்களை சுட்டிக்காட்டி பெங்களூர் கோர்ட்டில் ஆஜராவதற்கு தனக்கு 2 வார
கால அவகாசம் அளிக்க வேண்டும் என்று சுப்ரீம் கோர்ட்டில் ஜெயலலிதா சார்பில்
மனு தாக்கல் செய்யப்பட்டது. அவரது கோரிக்கையை ஏற்க சுப்ரீம் கோர்ட்டு
மறுத்து விட்டது.

ஜெயலலிதா அக்டோபர் 20-ந்தேதி
(இன்று) ஆஜர் ஆக வேண்டும் என்று உத்தரவிட்டது. பாதுகாப்பு காரணங்களுக்காக
தற்காலிகமாக பெங்களூர் தனிக்கோர்ட்டு அலுவலகம் பரப்பன அக்ரகாரத்தில் உள்ள
மத்திய ஜெயில் வளாகத்துக்கு மாற்றப்பட்டது. அவருக்கு இசட் பிளஸ்
பாதுகாப்பு வழங்க பெங்களூர் போலீஸ் கமிஷனர் தலைமையில் கர்நாடக போலீசார்
கொண்ட சிறப்பு குழு அமைக்கப்பட்டது.

தேசிய
பாதுகாப்பு படையினரும் தமிழக போலீசாரும் பாது காப்புக்கு செல்ல
அனுமதிக்கப்பட்டது. பெங்களூர் கோர்ட்டில் ஆஜர் ஆவதற்காக முதல்- அமைச்சர்
ஜெயலலிதா இன்று காலை 8.30 மணிக்கு போயஸ் கார்டன் வீட்டில் இருந்து காரில்
விமான நிலையம் சென்றார். அங்கிருந்து தனி விமானம் மூலம் பெங்களூர்
சென்றார். அவர் சென்ற விமானம் 9.55 மணிக்கு பெங்களுர் விமான நிலையத்தில்
தரை இறங்கியது. அங்கிருந்து தனிக்கோர்ட்டு அமைந்துள்ள பரப்பன
அக்ரகாரத்துக்கு காரில் சென்றார்.

ஜெயலலிதா ஆஜர்
ஆவதையொட்டி பரப்பன அக்ரகாரம் பகுதியில் 144 தடை உத்தரவு
பிறப்பிக்கப்பட்டது. பெங்களூரில் ஜெயலலிதா சென்ற சாலையின் இருபுறமும்
ஆங்காங்கே போலீசார் பாதுகாப்பு பணியில் ஈடுபடுத்தப்பட்டனர்.

தனிக்
கோர்ட்டில் ஏராளமான போலீசாரும், தேசிய பாதுகாப்பு படையினரும்
குவிக்கப்பட்டு இருந்தனர். முன்னதாக பெங்களூரில் இருந்து பரப்பன அக்ரகாரம்
செல்லும் சாலையில் போலீசார் சோதனைச் சாவடிகள் அமைத்து இருந்தனர். அங்கு
அனைத்து வாகனங்களையும் நிறுத்தி தீவிரமாக சோதனையிட்ட பின்னரே அனுமதித்தனர்.


ஜெயலலிதா வருகையையொட்டி பெங்களூர் நகர
அ.தி.மு.க.வினர் ஏராளமானோர் தனிக் கோர்ட்டு முன் கூடியிருந்தனர். அமைச்சர்
செங்கோட்டையின் மற்றும் அ.தி.மு.க. வக்கீல்கள் கோர்ட்டுக்கு
வந்திருந்தனர். ஜெயலலிதாவுடன் ஆஜர் ஆவதற்காக சசிகலா, இளவரசி, சுதாகரன்
ஆகியோரும் பெங்களூர் சென்றனர்.

இதுவும் பேசப்படுகிறது

kalainilaa wrote:இதுவும் பேசப்படுகிறது

அனைவரும் குற்றம் செய்தவர்கள்தான்

அன்று ஜெயலலிதா எம்ஜிஆரின் பூதவுடலுடன் காணப்படும் காட்சி