உங்களின் முடிவு.

by *சம்ஸ் Fri Oct 21, 2011 1:39 am

பெற்றோர்களே இன்னும் சில நாட்கள் தான் உள்ளது. தேர்வுகான தேர்வு முடிவுகள் வருவதற்கு உங்களுக்கும், குழந்தைகளுக்கும் முடிவு எப்படி இருக்க போகிறதோ என்ற எண்ணம் இருந்து கொண்டுதான் இருக்கும். நமக்கு மனத்தில் பிரச்சனைகள் இருந்தாலும் இவ்வளவு மார்க் எடுத்தால், இந்த பாடம் படிக்கலமே, இந்த பாடம் எடுத்தால் அவர்களின் எதிர்காலம் நல்லா இருக்குமே என்ற பல எண்ணங்கள் இருந்தாலும், அந்த எண்ணங்களை வெளிப்படுத்தாமல் நாம் குழந்தைகளிடம் எந்த மார்க் வந்தாலும் அதை பற்றி கவலைபடாதே என்று தான் கூறிவரவேண்டும்.

அப்படியே தேர்வு முடிவு மோசமாக இருந்தாலும் அதைப் பற்றி கவலைப்படாதே என்று சொல்ல வேண்டும். நாம் சொல்ல போகும் இந்த சொல் அவர்களுக்கு பலவீனத்தில் ஆறுதல் தரும். ஏன் என்றால் அந்த தேர்வு முடிவுகள் தெரிந்தவுடன் பலவிதமான சுய முடிவுகளை அவர்கள் தேர்தெடுத்து விடுவார்கள். ஏன் சிலர் தற்கொலைக்கு கூட போய்விடுவார்கள். நாம் இத்தனை வருடம் வளர்த்து கஷ்டப்பட்டு படிக்க வைத்து ஒரு பிரயோசனம் இல்லாமல் ஆகிவிடும். தேர்வு எழுதும் போது பலவிதங்களில் நாம் அவர்களுக்கு உதவி செய்திருப்போம். அதை மனத்தில் கொண்டு உனக்கு எந்த குறையும் இல்லாமல் படிக்க வைத்தோமே நீ இப்படி செய்துவிட்டாயே என்று, அவர்களின் மனம் புண்படும் மாதிரி பேசுவதோ, அடிப்பதோ இல்லாமல், பரவாயில்லை அதனால் என்ன, மேற்கொண்டு நீ என்ன செய்யனும் என்று நினைக்கிறாய் என்று அவர்களிடமே கேளுங்கள் அவர்களும் ஒரு ஒழுங்கான முடிவுக்கு வருவார்கள்.

தேர்வு முடிவு நன்றாக வந்து நிறைய மார்க் பெற்று நுழைவு தேர்விலும் வெற்றி பெற்றாலும் நம்முடைய இஷ்டத்திற்கு பாடப் பிரிவுகளை எடுக்காமல் அவர்களின் விருப்பத்திற்கு ஏற்ப பாடங்களை எடுத்தால்தான் அவர்கள் அந்த அந்த பாடங்களில் நிறைய மதிப்பெண்கள் பெற்று நல்லவேலைக்கு செல்வார்கள். நாம் நமக்காக இந்தந்த துறைகளை தேர்த்தெடுத்தால் வேலையும் எளிதில் கிடைத்துவிடும் வாழ்க்கை நன்றாக அமையும் என்று நினைத்தாலும், படிப்பது அவர்கள் தான். எனவே எந்த துறையில் உனக்கு படிக்க ஆர்வமோ அதை தேர்தெடுத்து கொள் என்று அவர்களின் முடிவிற்கு விட்டு விடுங்கள். அவர்களின் விருப்பத்தை நிறைவு செய்யுங்கள்.