சுப்பர் மார்க்கட்டில் கரடிக் குட்டி

by **நேசமுடன் ஹாசிம்** Sat 22 Oct 2011 - 6:07

அமெரிக்காவின் அலெஸ்காவிலுள்ள சுப்பர் மார்க்கெட் ஒன்றில் மரக்கறிகள், பழங்கள் அடுக்கி வைக்கப்பட்டிருக்கும் பகுதிக்கு மேலால் கரடிக் குட்டி ஒன்று நடந்து வருவதைப் பார்த்து கடையில் இருந்த வாடிக்கையாளர்களும், ஊழியர்களும் அதிர்ச்சி அடைந்தனர்.

குறித்த கரடிக்குட்டி சுப்பர் மார்க்கட்டின் தானியங்கிக் கதவுகள் வழியாக வந்ததாக கடை ஊழியர்கள் தெரிவித்துள்ளனர். சின்னதாக அதிர்ச்சி அடைந்தாலும் அங்கிருந்த வாடிக்கையாளர்கள் அழகான கரடிக்குட்டியை தங்களின் கையடக்கத் தொலைபேசி கமெராவினால் படம் பிடித்தனர்.

பின்னர் பொலிஸுக்கு தகவல் சொல்லினர். அங்கு வந்த வனத்துறை அலுவலர்கள் கரடிக்குட்டியை பிடிக்க முயன்றனர். ஆனால் வாடிக்கையாளர் ஒருவரே மிகவும் லாகவமாக கரடிக்குட்டியைப் பிடித்தார். வெளியே கொண்டு செல்லப்பட்டு பாதுகாப்பாக கரடிக் குட்டி விடப்பட்டது.