தனியார் பள்ளிகளில் ஏழை மாணவர்களுக்கு 25 சதவீத இட ஒதுக்கீடு:தமிழக அரசு

இந்தியாவில் உள்ள அனைத்து குழந்தைகளும் 8-ம் வகுப்பு வரை கட்டாய கல்வி
பெற உரிமை உள்ளது.அதன்படி தனியார் பள்ளிகள் ஏழை மாணவர்களும் கல்வி கற்கும்
வகையில் 25 சதவீத இடங்களை இலவசமாக ஒதுக்க வேண்டும்.மேலும் ஏழை மாணவர்கள்
கல்வி பெற தங்கள் பெற்றோரின் கல்வி தகுதியை பொருட்டாக எடுக்க கூடாது.
மக்கள் வாழ்விடம் அமைந்துள்ள பகுதிகளில் இருந்து சுமார் 1 கிலோமீட்டர்
தூரத்திற்கள் மாணவர்கள் கல்வி பெற வழி வகை செய்ய வேண்டும் என மத்திய அரசின்
கல்வி சட்டத்துக்கு தமிழக அரசு புதிய நிபந்தனை விதிகளை வகுத்துள்ளது.

மேலும்
ஆசிரியர்களின் கல்வித்தகுதி குறித்தும் தமிழக அரசு விதிகள்
வகுத்துள்ளது.பள்ளிகளில் செய்ய வேண்டிய உள்கட்டமைப்பு செய்யப்பட வேண்டிய
விதிமுறைகளும் அறிவிக்கப்பட்டுள்ளன.விதிமுறைகளை அமல்படுத்தாத பள்ளிகளுக்கு
10 லட்ச ரூபாய் அபராதம் விதிக்கப்பட்டும். தவறு தொடரும் பட்சத்தில் ஒவ்வொரு
நாளும் 10 ஆயிரம் ரூபாய் அபராதம் விதிக்கப்படும் எனவும் விதிமுறைகளில்
கூறப்பட்டுள்ளது.