எஸ்.எம்.எஸ்க்கு எதிராக ஆசிரியர்கள் போராட்டம்

பள்ளி ஆசிரியர்கள் எஸ்.எம்.எஸ் மூலம் வருகையை தெரிவிக்கும் முறைக்கு ஆசிரியர்கள் எதிர்ப்பு தெரிவித்துள்ளனர். அரசு பள்ளி ஆசிரியர்கள் செல்போன் எஸ்.எம்.எஸ் மூலம் வருகைப் பதிவு செய்யும் முறை கடந்த சில மாதங்களுக்கு முன்பு கடலூர் மாவட்டத்தில் நடைமுறைப்படுத்தப்பட்டது.
பிற துறை ஊழியர்களுக்கும் இந்த முறையை விரிவாக்க நடவடிக்கை எடுக்கப்பட்டது. இதற்கு ஊழியர்கள் மத்தியில் எதிர்ப்பு கிளம்பியது. இதனால் பள்ளி ஆசிரியர்களுக்கு மட்டும் இந்த முறை நடைமுறையில் உள்ளது.

இந்நிலையில், தமிழகத்தில் உள்ள மாவட்ட அரசு பள்ளி ஆசிரியர்களும் எஸ்.எம்.எஸ் மூலம் வருகையை பதிவு செய்யும் முறை நடைமுறைப்படுத்தப்படும் என்று முதல்வர் ஜெயலலிதா அறிவித்தார். இதற்கு ஆசிரியர்கள் கடும் எதிர்ப்பு தெரிவித்துள்ளனர். இது குறித்து தமிழ்நாடு தொடக்க பள்ளி ஆசிரியர் கூட்டணி மாநில பொதுச் செயலாளர் ரங்கராஜன் கூறுகையில்,

“தமிழகத்தில் உள்ள அனைத்து பள்ளி ஆசிரியர்களும் வருகையை பதிவு செய்ய எஸ்.எம்.எஸ் மூலம் பதிவேடு பராமரிக்கும் முறையை எதிர்க்கிறோம். இதனால் ஆசிரியர்களுக்கு அதிருப்தியும் மன உளைச்சலும் ஏற்பட்டுள்ளது. ஏற்கனவே இந்த முறையை தருமபுரி, கடலூர் மாவட்டங்களில் வெற்றிகரமாக நடைமுறைப்படுத்த முடியவில்லை என்பது குறிப்பிடத்தக்கது“ என்றார். மேலும் எஸ்.எம்.எஸ் மூலம் வருகை பதிவுக்கு எதிராக போராட்டம் மற்றும் அடுத்த கட்ட நடவடிக்கை குறித்து அடுத்த மாதம் நடைபெற உள்ள தொடக்க பள்ளி ஆசிரியர் கூட்டணி மாநில செயற்குழு, பொதுக்குழு கூடடத்தில் முடிவு செய்ய உள்ளதாகவும் சங்க நிர்வாகிகள் தெரிவித்தனர்.

நல்ல முடிவு அமுல் படுத்துங்கள் :!.: :!.: