சரியான நேரத்தில் கோர்ட்டில் ஆஜராகாத இன்ஸ்பெக்டர், நான்கு மணி நேரம் கூண்டில் நிறுத்தப்பட்டார்

சரியான நேரத்தில் கோர்ட்டில் ஆஜராகாத இன்ஸ்பெக்டர், நான்கு மணி நேரம் கூண்டில் நிறுத்தப்பட்டார்.காரமடை பகுதியில், கடந்த 2010ல் நடந்த கொள்ளை வழக்கில் மூவர் கைது செய்யப்பட்டனர்.
இவ்வழக்கின் சாட்சிகள், மாவட்ட தலைமை குற்றவியல் நீதிமன்றத்தில் விசாரிக்கப்பட்ட நிலையில், விசாரணை அதிகாரியான இன்ஸ்பெக்டர் சென்னகேசவன் கோர்ட்டில் தொடர்ந்து ஆஜராகவில்லை.அதிருப்தி அடைந்த நீதிபதி சீனிவாசன், கோர்ட்டில் ஆஜராகாத இன்ஸ்பெக்டருக்கு வாரன்ட் பிறப்பித்து உத்தரவிட்டார்.ஒரு மாதத்துக்குப் பின், நேற்று வழக்கு விசாரணைக்கு வந்தது. அப்போது கோர்ட்டுக்கு வந்த இன்ஸ்பெக்டர், கோர்ட்டில் சரணடயவில்லை. நீதிபதி வழக்கை விசாரித்து வேறு தேதிக்கு ஒத்திவைத்தார். வழக்கில் ஆஜரான வழக்கறிஞர்கள் வெளியே வந்தபிறகு, இன்ஸ்பெக்டர் கோர்ட்டுக்கு சென்றார்.

விசாரித்த நீதிபதி, "வாரன்ட்டில் இருப்பவர், கோர்ட் துவங்கும் முன்பே ஆஜராகி இருக்க வேண்டும். தாமதமாக வந்ததாலும், விசாரணை தேதி ஒத்தி வைக்கப்பட்டதாலும் கூண்டில் ஏறி நிற்க வேண்டும்' என, உத்தரவிட்டார்.காலை 11.00ல் இருந்து மாலை 4.00 மணி வரை கூண்டில் நின்றிருந்தார் இன்ஸ்பெக்டர். நான்கு மணிக்கு மேல், கூடுதல் அரசு வழக்கறிஞர் வந்த பிறகே, வாரன்ட் திரும்ப பெறப்பட்டது. இதன் பிறகே கோர்ட்டில் இருந்து இன்ஸ்பெக்டர் விடுவிக்கப்பட்டார்.

என்னது :+:-: