மத்திய அரசு இனியும் வேடிக்கை பார்க்கக் கூடாது

முல்லை பெரியாறு பிரச்சினையில் உச்ச நீதிமன்ற தீர்ப்பை அமுல்படுத்தக் கோரியும் கேரளாவில் தமிழர்கள் தாக்கப்படுவதை கண்டித்தும் வட சென்னை மற்றும் தென் சென்னை தி. மு. க. சார்பில் அண்ணா அறிவாலய வளாகத்தில் நேற்று முன்தினம் உண்ணாவிரதம் நடந்தது. மாலை 5 மணிக்கு தி. மு. க. தலைவர் கருணாநிதி உண்ணாவிரதத்தை முடித்து வைத்தார். அப்போது கருணாநிதி பேசியதாவது :-

இப்போது தமிழக அரசுக்கும் கேரள அரசுக்கும் ஏற்பட்டுள்ள மோதல்களும், அதை பயன்படுத்தி கேரளாவில் உள்ளவர்கள், அமைச்சர்கள் மற்றும் முதல்வர் உட்பட நான் கேரளாவை கூறுகிறேன். தமிழகத்தை ஏதோ ஒரு தீண்டப்படாத மாநிலமாக கருதி இதை எதிர்காலத்தில் வறண்ட பாலைவனமாகும் என்ற எண்ணத்தோடு பேசுவதையும் அதற்கேற்ப நடப்பதையும் நீங்கள் அறிவீர்கள்.

நம் எழுச்சியை தமிழகம் மட்டுமல்ல இந்திய திருநாடே அறிந்திருக்கிறது. தமிழர்கள் உள்ள இடமெல்லாம் இந்த உணர்ச்சி பரவி இருக்கிறது. இது சாதாரண பிரச்சினை. இதை பெரிதுபடுத்தி இதில் தான் கேரளாவின் வாழ்வு இருப்பது போல மாயிமாலம் காட்டியும், அங்குள்ள அரசியல் கட்சி தலைவர்கள் போடும் நாடகமும் ஆட்டத்தையும் காணும் போது வியப்பாக இருக்கிறது.

சேர, சோழ, பாண்டியர்கள் கொடி நிழலில் வாழ்ந்தவர்கள் நாம். நாம் உருவாக்கிய ஒற்றுமை உறுதி என்றும் நிலை நிறுத்தப்பட வேண்டும். இதில் யாரும் உணர்ச்சி வசப்பட்டுவிடாமல் நாம் அனைவரும் சகோதரர்கள் என்ற எண்ணத்தோடு வாழ வேண்டும். ஒன்றுமையை பேண வேண்டும். கேரளாவுக்கும், தமிழ்நாட்டுக்குமிடையே நடக்கும் இந்த பிரச்சினையை மத்திய அரசு டெல்லியில் இருந்து வேடிக்கை பார்க்காமல் வேடிக்கையாக கருதாமல் அப்படி கருதினால் எதிர்காலத்தில் மிக மோசமான விளைவு ஏற்படுத்தும் என்ற ஆபத்தை உணர்ந்து எதிலும் தாமதமாக முடிவெடுக்கும் மத்திய அரசு இதிலாவது தாமதமாக முடிவு எடுக்காமல் தமிழர்களின் செங்குருதி தெருவில் சிந்தாமல் காப்பாற்ற வேண்டும். இவ்வாறு கருணாநிதி பேசினார்.

செந்தமிழில் பேசி இருக்கிறார் ஒரு பிரயோஜனமும் இல்லை