கேரள மனு நிராகரிப்பு: நீர் மட்டத்தை 120 அடியாக குறைக்க தேவையில்லை

"முல்லைப்பெரியாறு அணை பிரச்சினையில் அணை நீர்மட்டத்தை 120 அடியாக குறைக்க வேண்டும்" என்ற கேரள அரசின் கோரிக்கையை உச்ச நீதிமன்றம் ஏற்க மறுத்து, அம்மனுவை நிராகரித்தது. முல்லைப்பெரியாறு அணை விடயத்தில் முரண்டு பிடிக்கும் கேரள அரசுக்கு, இது முதலாவது அடியாகும். தமிழக - கேரள எல்லையில் இடுக்கி மாவட்டத்தில் 116 ஆண்டுகள் பழைமை வாய்ந்த முல்லைப் பெரியாறு அணை செயல்பட்டு வருகிறது. அணை பகுதியில் பலமுறை நிலநடுக்கம் ஏற்பட்டு, அணை பலமிழந்துவிட்டது. தற்போதுள்ள அணையை அகற்றி விட்டு புதிய அணை கட்ட வேண்டும். அணை நீர்மட்டத்தை 136 அடியில் இருந்து 120 அடியாக குறைக்க வேண்டும் என்று கேரள அரசும், அங்குள்ள எதிர்க்கட்சிகளும் கோரி வருகின்றன.

இதன் அடிப்படையில், கேரள அரசு "அணை நீர்மட்டத்தை 136 அடியில் இருந்து 120 அடியாகக் குறைக்க வேண்டும்" என உச்ச நீதிமன்றத்தில் மனுத் தாக்கல் செய்தது. இவ்விடயத்தில் அதிக மோதல் ஏற்பட்டதும், தமிழக அரசு சார்பில், "முல்லைப்பெரியாறு அணையை பாதுகாக்க, மத்திய தொழில் பாதுகாப்புப் படையினரை அனுப்ப மத்திய அரசுக்கு உத்தரவிட வேண்டும் என உச்ச நீதிமன்றத்தில் மனுத் தாக்கல் செய்தது.

இம்மனுக்கள் உச்ச நீதிமன்ற நீதிபதி டி. கே. ஜெயின் தலைமையில் நீதிபதிகள், ஆர். எம். லோதா, சி. கே. பிரசாத், தீபக் வர்மா மற்றும் அனில் ஆர். தவே ஆகிய ஐந்து பேர் கொண்ட அரசமைப்பு சட்டக் குழு முன் விசாரணைக்கு வந்தது. விசாரணையின் போது நீதிபதிகள் கூறிய கருத்து: முல்லைப் பெரியாறு அணை நீர்மட்டத்தை தமிழக அரசு 136 அடிக்கு மேல் உயர்த்தக் கூடாது. அணை நீர்மட்டம் தற்போதுள்ள 136 அடியில் இருந்து, 120 அடியாக குறைக்கத் தேவையில்லை. தமிழகமாக இருந்தாலும் கேரளாவாக இருந்தாலும் மக்களின் பாதுகாப்பு என்பது மிகவும் முக்கியம். எத்தகைய அவசர தேவையிருப்பினும், இது பற்றி ஏற்கனவே நியமிக்கப்பட்ட அதிகாரம் மிக்க நீதிபதி குழு, உடனடியாக உச்ச நீதிமன்றத்தின் கவனத்திற்கு கொண்டு வரும்.

தற்போதுள்ள நிலையில் அணைக்கு எவ்வித ஆபத்தும் இல்லை. எனவே, அது குறித்து உச்ச நீதிமன்றத்தின் எந்த வித தலையீடும் தேவை யில்லை. அணைக்கு மத்திய தொழில் பாது காப்புப் படை பாதுகாப்பு வேண்டும் என்ற தமிழக அரசின் கோரிக்கை குறித்து, அடுத்த இரு நாளில் மத்திய அரசு பதில் அளிக்க வேண்டும்.

எரிந்து கொண்டிருக்கும் அணை பிரச்சினையில், இரு மாநிலங்களும் எண்ணெய் வார்த்து பெரிதாக்கக் கூடாது. இரு மாநிலங்களும் உணர்ச்சி வயப்பட்டு அறிக்கைகள் வெளியிடுவதைத் தவிர்த்து அமைதி காக்க வேண்டும்.

மேலும் அணை குறித்து நீதிபதி ஏ. எஸ். ஆனந்த் தலைமையில் விசாரித்து வரும் அதிகாரமிக்க குழு அறிக்கை கிடைத்த பிறகு, உடனடியாக உத்தரவுகள் பிறப்பிக்கப்படும் என்று குறிப்பிட்டு, மற்ற அம்சங்களை எடுத்துக் கொள்ளவில்லை என்றனர். இதையடுத்து, மனுக்கள் மீதான அடுத்த கட்ட விசாரணையை நீதிபதிகள், இன்றைக்கு ஒத்தி வைத்தனர். அணையின் நீர்மட்டத்தை குறைக்க வேண்டும் என்ற கேரள மனுவை, டிஸ்மிஸ் செய்தனர். இது கேரள அரசுக்கு இந்த விடயத்தில் கிடைத்த அடியாகும்.

தமிழகம் சார்பில் ஆஜரான மூத்த வழக்கறிஞர் ராஜு ராமச்சந்திரனிடம் நீதிபதிகள், நீங்கள் ஏன் அணை நீர் மட்டத்தை 136 அடிக்கு மேல் உயர்த்த வேண்டும் என்று ஏற்கனவே உச்ச நீதிமன்றம் கூறியிருக்கிறது. அதை உயர்த்த அனுமதிக்க வேண்டும். அந்தளவு தான் இருக்க வேண்டும் என்பதால் பீதி ஏற்படுகிறது என்றனர். அதற்கு பதிலளித்த ராமச்சந்திரன், "அணையில் 136 அடி உயரத்திற்கு தண்ணீர் வந்ததும், தானாகவே மதகுகளில் வெளியேறும் நடைமுறை இருக்கிறது" என்றார்.

இப்ப எல்லாம் உச்ச நீதிமன்றம்தான் பல மத்திய அரசு செய்ய வேண்டிய வேலையை செய்கிறது