கேரள தமிழர்கள் சிறையில் அடைப்பு தமிழ் பாதுகாப்பு இயக்கம் கண்டனம்

கேரள தமிழர்கள் சிறையில் அடைப்பு தமிழ் பாதுகாப்பு இயக்கம் கண்டனம்
மூணாறு தமிழர்கள் பிணை இல்லாத வழக்குப் பிரிவுகளின் கீழ் கைது செய்யப் பட்டு, சிறையில் அடைக்கப்பட்டுள்ளதற்கு, கேரள மாநில தமிழ் பாதுகாப்பு இயக்கம்,கண்டனம் தெரிவித்துள்ளது.

கேரள மாநில தமிழ்ப் பாதுகாப்பு இயக்க பொதுச் செயலர் பேச்சிமுத்து வெளியிட்ட அறிக்கை முல்லைப் பெரியாறு பிரச்சினை தொடர்பாக, மூணாறு தமிழ் மொழி சிறுபான்மையினர் கோரிக்கையை ஏற்காமல் ‘இடுக்கி மாவட்டம் மூணாறை தமிழகத்துடன் சேர்க்க வேண்டும்’ என்ற கோஷத்தை கேட்டு, அவர்கள் மீது பிணை இல்லா வழக்கு பதிவு செய்து சிறையில் அடைத்துள்ளது வேதனை யளிக்கிறது.

கேரள பொலிஸின் செயல், இரு மாநில மக்களின் சுமுகமான உறவை சீர்குலையச் செய்யும், எனவே கைது செய்யப்பட்டு சிறையில் அடைக்கப் பட்டுள்ள, தமிழர்களை உடனடியாக விடுதலை செய்ய கேரள முதல்வர் உம் மன் சாண்டி நடவடிக்கை எடுக்க வேண்டும். தமிழகம், கேரள மாநிலங்களை சேர்ந்த காங்கிரஸ் கம்யூனிஸ்ட் கட்சி நிர்வாகிகள் சந்தித்துப் பேசி, முல்லைப் பெரியாறு பிரச்சினைக்கு இரு மாநில அரசுகளுக்கு தகுந்த ஆலோசனை கூற வேண்டும் என்று, தமிழ்ப் பாதுகாப்பு இயக்கம் வேண்டுகோள் விடுக்கிறது. இவ்வாறு பேச்சிமுத்து தெரிவித்துள்ளார்.

ஆரம்பிச்சிட்டாங்கய்யா பாவிங்க :!.: