டுவிட்டரில் இப்படி சொல்லியிருக்கிறாயே

டுவிட்டரில் தன் பெயரில் பக்கம் தொடங்கி தவறான தகவல்களை மர்ம நபர் ஒருவர் அளித்து வருவதாக நடிகை த்ரிஷா பரபரப்பு புகார் அளித்துள்ளார். இது பெரும் தொந்தரவாக இருப்பதாகவும் அவர் கூறினார்.
இதுபற்றி த்ரிஷா கூறியதாவது: என் டுவிட்டர் பக்கத்தை இதுவரை 2 லட்சம் பேர் ஃபாலோ செய்கிறார்கள். ஒரு வகையில் சந்தோஷமாக இருந்தாலும், இன்னொரு வகையில் அதிர்ச்சியாக இருக்கிறது. மர்ம நபர் யாரோ ஒருவர் என்னை போலவே டுவிட்டர் பக்கம் தொடங்கி நடத்துகிறார். நான் என்னவெல்லாம் என் பக்கத்தில் எழுதுகிறேனோ, அதை அப்படியே காப்பி செய்து போலி டுவிட்டரில் போடுகிறார். நான் பேசுவதுபோல ரசிகர்களிடம் பேசி தவறான தகவல் அளிக்கிறார். சமீபகாலமாக இது மிகவும் தொல்லையாக, தொந்தரவாக இருக்கிறது.




‘டுவிட்டரில் இப்படி சொல்லியிருக்கிறாயே’ என்று நெருங்கிய தோழிகள், உறவினர்கள் வட்டாரத்தில் கேட்பார்கள். நான் அது இல்லை என்று விளக்கம் அளிப்பேன். அந்த மர்ம நபர் இப்போது இன்னும் கொஞ்சம் ஓவராக சென்று, இரண்டு டுவிட்டர் பக்கமும் என்னுடையதுதான் என்று நானே சொல்வது போல தெரிவித்திருக்கிறார். இது இன்னும் அதிர்ச்சியாக உள்ளது. போலி டுவிட்டர் பக்கம் தொடர்பாக டுவிட்டர் நிர்வாகத்திடம் புகார் தெரிவித்திருக்கிறேன். அந்த மோசடி நபர் விரைவில் பிடிபடுவார் என்று நம்புகிறேன். இவ்வாறு த்ரிஷா கூறினார்.

பாவம் த்ரிஷா :’|: :’|: