சசிகலா குடும்பத்தினரின் சமீபகால எல்லை மீறிய அட்டகாசங்கள்; பத்திரிகை ஆசிரியர் ஊடாக ஜெயலலிதாவுக்கு

சசிகலா குடும்பத்தினரின் சமீபகால எல்லை மீறிய அட்டகாசங்கள்; பத்திரிகை ஆசிரியர் ஊடாக ஜெயலலிதாவுக்கு இரகசிய தகவல்கள்
13 பேர் நீக்கப்பட்டதனால் கட்சியிலும் அமைச்சரவையிலும் விரைவில் மாற்றங்கள்
ஜெயலலிதாவும், சசிகலாவும் உடன்பிறவா சகோதரிகளாக இருந்த நிலையில், சசிகலாவும், அவரது ஆதரவாளர்களும் நீக்கப்பட்டுள்ளதால் 30 ஆம் திகதி நடைபெறும் செயற்குழுவில் கட்சியில் பெரும் மாற்றமும் இதைத் தொடர்ந்து, தமிழக அமைச்சரவையிலும் அதிரடி மாற்றம் வரும் என பரபரப்பு தகவல்கள் வெளியாகியுள்ளன. சசிகலாவும், அவரது குடும்பத்தினர் 13 பேரின் உறவுகள் பிரிந்து கட்சியிலிருந்தே அதிரடியாக நீக்கப்பட்டுள்ளனர்.

அனைத்திலும் ஆதிக்கம்

இது குறித்து கட்சி வட்டாரத்திலும், அரசு வட்டாரத்திலும் கிடைத்த தகவல்கள் வருமாறு;

ஆட்சி வந்தது முதல் அமைச்சரவை யிலும் அதிகார வட்டத்திலும் சசிகலாவின் ஆதரவு ஆட்கள் மட்டுமே நியமிக்கப் பட்டுள்ளனர். ஒவ்வொரு துறையிலும், உயரதிகாரிகளின் இடமாற்றம், ஒப்பந்தப் பணிகள் உள்ளிட்டவை சசிகலா ஆட்களின் உத்தரவில் தான் நடந்துள்ளன.

இதேபோல், தி. மு. க. விலுள்ள பல வி. ஐ. பி.க்கள் மீதான நில அப கரிப்பு வழக்குகளில் பொலிஸ் நடவடிக்கை எடுக்காமல் இருக்க சசிகலாவின் பெயரைச் சொல்லி பேச்சு நடந்திருக்கிறது. உயர்கல்வி, சுகாதாரம், இந்து சமய அறநிலையத் துறை, போக்குவரத்து, சமூக நலம், வேளாண்துறை உள்ளிட்டவற்றில் பல்வேறு இடமாற்றம் மற்றும் ஒப்பந்தப் பணிகளில் பெரும் குளறுபடி ஏற்படுத்தியதாக சசிகலா குடும்பத்தினர் மீது புகார்கள் எழுந்தன.

இதுகுறித்து பல்வேறு புகார்கள் கார்டனுக்கு தொடர்ந்து வந்துள்ளன. ஆனால், சில அதிகாரிகளும், அதிகார மையத்தில் இருந்த சிலரும் அவற்றை முதல்வரின் கவனத்திற்கும் செல்லவிடாமல் தடுத்து விட்டனராம்.

பத்திரிகை ஆசிரியர்

இதேபோல் பெரும்பான்மையான புதிய அமைச்சர்கள் நியமனத்திலும், சசிகலா, நடராஜன், தினகரன், ராவணன் மற்றும் ஜெயலலிதாவால் ஓரங்கட்டப்பட்ட டாக்டர் வெங்கடேஷ் ஆகியோரின் பின்னணிகள் இருந்துள்ளன.

இந்த பிரச்சினைகள் குறித்து அதிருப்தி அடைந்த பலர் தங்களது எண்ணக் குமுறல்களை முதல்வருக்கு வேண்டப் பட்ட அரசியல் ஆலோசகரான ‘மூத்த பத்திரிகை ஆசிரியருக்கு’ ஆவணங்களுடன் தெரிவித்துள்ளனர்.

அவர் கடந்த வாரத்தில் மட்டும் மூன்று முறை, முதல்வரை சந்தித்து பிரச்சினையின் தீவிரம் குறித்து பேசியுள்ளார். இறுதி முடிவெடுப்பது குறித்து கடந்த திங்கட்கிழமை காலையிலும் வந்து பேசிய பின்னர் தான், சசிகலா குடும்பத்தினரை கூண்டோடு வெளியேற் றும் முடிவு மேற்கொள்ளப் பட்டுள்ளது.

இலாகாக்களில் மாற்றம்

சசிகலா குடும்பத்தினரின் வெளியேற்றம், தமிழக அமைச்சரவையில் பெரும் மாற்றம் ஏற்படுத்தும் என கூறப்படுகிறது.