செக்ஸில் ஈடுபட்ட மாணவி அவர் அம்மாவின் கள்ள தொடர்பால் கொலையுண்ட பரிதாபம்

by **நேசமுடன் ஹாசிம்** Tue 27 Dec 2011 - 7:26

பள்ளி வளாகத்தில் மாணவர்களுடன் உல்லாசமாக இருந்த மாணவியை கொலை செய்த சித்தப்பாவின் வாக்குமூலத்தின் படி கொலைக்கு காரணமான தாயையும் போலீசார் கைது செய்தனர். பத்மாவிற்கும் எனக்கும், 12 ஆண்டுகளாக கள்ளத் தொடர்பு உள்ளது என வாக்குமூலம் அளித்தார்.

திருவள்ளூர் மாவட்டம், மாதர்பாக்கம் அடுத்த, செதில்பாக்கம் கிராமத்தைச் சேர்ந்தவர் குமார் மகள் திலகவதி,17. பாதிரிவேடு அரசு மேல்நிலைப் பள்ளியில், பிளஸ் 1 படித்து வந்தார். இவர் உட்பட இன்னொரு மாணவியுடன், இதே பள்ளியில், பிளஸ் 2 படிக்கும், ஐந்து மாணவர்கள் பள்ளியில் உல்லாசமாக இருந்துள்ளனர்.

அவற்றை, ஒரு மாணவர் மொபைல் போனில் படம் பிடித்துள்ளார். அந்த படம், பள்ளி முழுவதும் பரவியதோடு, இணைய தளத்திலும் வெளியிட்டதாக கூறப்படுகிறது. இதையடுத்து, சம்பந்தப்பட்ட மாணவர்களை பள்ளி நிர்வாகம், நடவடிக்கை எடுத்து, பள்ளியை விட்டு நீக்கியது.

இதையடுத்து திலகவதி கடந்த, 21ம் தேதி இரவு தற்கொலை செய்து கொண்டதாக, அவரது தந்தை குமார், பாதிரிவேடு போலீசில் புகார் செய்தார். வழக்கு பதிந்த போலீசார், உண்மையிலேயே தற்கொலை செய்து கொண்டாரா அல்லது கொலை செய்யப்பட்டாரா என்ற கோணத்தில் விசாரணை நடத்தினர்.இதற்கிடையே, இந்த வழக்கில் திடீர் திருப்பமாக, மாணவியை கொலை செய்ததாக, அவரது சித்தப்பா அரி, செதில்பாக்கம் வி.ஏ.ஓ., ஜோதியிடம் வாக்கு மூலம் அளித்தார். அதில், "எனது அண்ணன் மனைவி பத்மாவிற்கும் எனக்கும், 12 ஆண்டுகளாக கள்ளத் தொடர்பு உள்ளது. அவரது மகளின் செயலால் குடும்பமே அவமானமடைந்து விட்டதாக கூறி அழுதார். அதன் பின்னர், இருவரும் சேர்ந்து திலகவதியை கொலை செய்ய முடிவு செய்தோம்.

கடந்த, 21ம் தேதி மதியம் அண்ணன் வீட்டிற்கு சென்றேன். அங்கு, திலகவதி மட்டும் தனியாக இருந்தார். ஏன் இப்படி செய்தாய் எனக் கேட்டு, அடித்ததில், மயங்கி கீழே விழுந்து விட்டார். உடனே, சேலையால் அவரது கழுத்தை நெரித்துவிட்டு, தற்கொலை செய்து கொண்டது போல், மின் விசிறியில் தொங்க விட்டு, ஆந்திர மாநிலம் சத்தியவேடுக்கு சென்று விட்டேன்' என்று கூறியுள்ளார்.வி.ஏ.ஓ., ஜோதி, அரியை பாதிரிவேடு போலீஸ் நிலையத்தில் ஒப்படைத்து விட்டு, அவர் அளித்த வாக்கு மூலத்தையும் வழங்கினார். போலீசார், தற்கொலை வழக்கை, கொலை வழக்காக மாற்றி பதிவு செய்து, அரி மற்றும் பத்மாவதியை கைது செய்து விசாரணை நடத்தி வருகின்றனர்.