சார்ல்ஸ் டாவின் குறிப்பிட்ட ராட்சத ஆமைகள் உயிர்வாழ வாய்ப்பு

150 ஆண்டுகளுக்கு முன் னர் அழிந்திருக்கலாம் எனக் கருதப்பட்ட ராட்சத கலபகோஸ் ஆமைகள் உயிர் வாழ்வதற்கான சாத்தியங்கள் இருப்பதாக மரபணு ஆய்வுகளின் முலம் தெரியவந்துள்ளது.

மேற்கு இக்வடோரில் உள்ள கலபகோஸ் தீவில் ராட்சத ஆமைகள் இருந்ததாக பரிணாம வளர்ச்சி தொடர்பாக விளக்கிய சார்ல்ஸ் டாவின் குறிப்பிட்டுள்ளார். 1835 ஆம் ஆண்டு இந்த தீவுக்கு சென்ற டாவின் அங்கு 100 ஆண்டுகளுக்கு மேல் உயிர் வாழும் ராட்சத ஆமைகளை கண்டதாக குறிப்பிட்டுள்ளார்.

இந்த ஆமைகள் 408 கிலோ எடை கொண்டதாகவும் சுமார் 2 மீற்றர் நீளத்திற்கு வளரக்கூடியது என்றும் குறிப்பிட்டுள்ளார்.

எனினும் காலப்போக்கில் இந்த ஆமைகள் அழிந்துவிட்டதாக விஞ்ஞானிகள் கருதிவந்தனர். இந்நிலையில் கலபகோஸ் தீவுப் பகுதியில் உள்ள 1600 ஆமைகளிடம் நடத்திய மரபணு சோதனையில் 84 ஆமைகளில் மரபணு கலப்பு இருப்பு கண்டுபிடிக்கப்பட்டு ள்ளது.

எனவே கலபகோஸ் ராட்சத ஆமைகள் உயிர் வாழ்வதற்கான சாத்தியங்கள் இருப்பதாக விஞ்ஞானிகள் குறிப்பிட்டுள்ளனர்.