அமெ. போர்க் கப்பலை பயமுறுத்தும் வகையில் ஈரான் படகுகள் பயணம்

அமெ. போர்க் கப்பலை பயமுறுத்தும் வகையில் ஈரான் படகுகள் பயணம்
பென்டகன் குற்றச்சாட்டு
ஈரான் தன்னுடைய கடற்படைப் படகுகள் மூலம் எங்களைச் சீண்டிப் பார்க்கிறது என்று அமெரிக்க இராணுவத் தலைமையகமான பென்டகன் குற்றஞ்சாட்டியுள்ளது.

இதே நிலைமை நீடித்தால் அதன் விளைவை ஈரான் அனுபவிக்க நேரும் என்றும் அது எச்சரித்துள்ளது.

அணு ஆயுதம் தயாரித்து அதைத் தன்னுடைய நட்பு நாடுகளுக்கு வழங்குகிறது. அமெரிக்கக் கடற்படைக் கப்பல்கள் அருகில் தன்னுடைய கடற்படைப் படகுகளை அதி வேகத்தில் இயக்கி, அச்சுறுத்துவதைப் போல நடந்து கொள்கிறது என்று 2 குற்றச்சாட்டுகளை ஈரான் மீது அமெரிக்கா சுமத்தியுள்ளது.

ஈரானும் கடந்த வாரம் ஹோர்முஸ் நீரிணையில் தன்னுடைய மிகப் பெரிய கடற்படைக் கப்பலைக் கொண்டுபோய் நிறுத்தியது. அந்தப் பகுதியில் கச்சா பெட்ரோலிய எண்ணெய் வாங்கவரும் சர்வதேசக் கப்பல்களுக்குப் பாதுகாப்பாக நிற்பதாக அதற்குக் காரணம் கூறினாலும் அமெரிக்கக் கடற்படை அந்தப் பகுதியில் ஆதிக்கம் செலுத்தக்கூடாது என்பதற்காகத்தான் என்று தகவல் அறிந்த வட்டா ரங்கள் தெரிவிக்கின்றன.

ஹோர்முஸ் நீரிணையில் சென்ற அமெரிக்கப் போர்க்கப் பலான யு.எஸ்.எஸ். நியூ ஆர்லி யான்ஸ் கப்பலுக்கு அருகில் 2 ஈரானியப் போர்ப்படகுகள் வந்ததாகவும் அதில் இருந்தவர்கள் ஏ.கே. 47 ரகத் துப்பாக்கியை வெளியில் தெரியும்படி வைத்திருந்ததாகவும் அவர்களில் ஒருவர் அந்தத் துப்பாக் கியையும் அமெரிக்கப் போர்க்கப்பலை நோக்கியே வைத்திருந்ததாகவும் அமெரிக்க இராணுவத் தலைமை கூறுகிறது.