நீதிபதி கைதால் மாலைதீவு நாட்டில் வன்முறை

by *சம்ஸ் Thu 19 Jan 2012 - 6:29

மாலைதீவு நாட்டில், அரசுக்கெதிராக அவதூறாக பேசிய குற்றத்தில் கைது செய்யப்பட்ட எதிர்க்கட்சித் தலைவரை, அந்நாட்டு நீதிபதி, விடுதலை செய்ததால், அந்நீதிபதியையே இராணுவம் கைது செய்ததால் பரபரப்பு ஏற்பட்டுள்ளது.

மாலைதீவு நாட்டின் முக்கிய எதிர்க்கட்சித் தலைவரான முகமது ஜலில் அகமது அந்நாட்டு ஜனாதிபதி முகம்மது நஸித் மற்றும் அவரது தலைமையிலான அரசை அவதூறாக பேசி தொலைக்காட்சி ஒன்றிற்கு பேட்டி அளித்தார்.

இது தொடர்பாக முகமது ஜமில் அகமது மீது வழக்கு தொடரப்பட்டது. கைது செய்யப்பட்ட அவர் குற்றவியல் நீதிமன்றத்தில் ஆஜர்படுத்தப்பட்டார்.

வழக்கை விசாரித்த குற்றவியல் நீதிமன்ற தலைமை நீதிபதி அப்துல்லா முகமது எதிர்க்கட்சித் தலைவரிடம் லஞ்சம் பெற்று அவருக்கு சாதகமாக தீர்ப்பு வழங்கியதாக கூறி நீதிபதியை திடீரென கைது செய்து சிறையில் அடைத்தது.

இந்த விவகாரம் பரபரப்பினை ஏற்படுத்தவே, நாடு முழுவதும் நீதிமன்ற ஊழியர்கள் மற்றும் பொதுமக்கள் ஆர்ப்பாட்டம் நடத்தினர். நீதிபதியை உடனடியாக விடுவிக்க கோரி, நேற்று முன்தினம் இராணுவ தலைமையகத்தினை நோக்கி நடந்த பேரணி கலவரமாக மாறியது. பொலிஸார் தடியடி நடத்தினர் 200 பேர் கைது செய்யப்பட்டனர்.