விகிபீடியா நேற்று முழுநாள் சேவை நிறுத்தம்; கூகில் இணையதள மும் எதிர்ப்பு தெரிவிக்க திட்டம்

விகிபீடியா நேற்று முழுநாள் சேவை நிறுத்தம்; கூகில் இணையதள மும் எதிர்ப்பு தெரிவிக்க திட்டம்
இணையத்தளங்களை தணிக்கை செய்யும் அமெரிக்க காங்கிரஸ் சபையின் சட்ட மூலத்திற்கு எதிர்ப்பு தெரிவித்து உலகில் அதிகம் பேர் பார்வையிடும் விகிபீடியா இணையதளம் நேற்று காலை 10.30 முதல் 24 மணிநேரத்திற்கு தனது சேவையை நிறுத்திக்கொண்டது.

இணையதளங்களை தணிக்கை செய்யும் அமெரிக்க அரசின் சட்டமூலம் பற்றிய விபரங்களுக்கான இணைப்பும், சட்டத்தை இயற்றுவோரை அணுகும் விதம் எப்படி என்ற விபரங்களும் மட்டுமே நேற்றைய தினத்தில் 24 மணிநேரத்திற்கு விகிபீடியாவில் இருந்தது.

இதற்கு முன்னதாக விகிபீடியாவின் இத்தாலிய பதிப்பு பெர்லுஸ்கோனியின் இணையதள தணிக்கை நடவடிக்கையை எதிர்த்து சேவை நிறுத்தம் செய்திருந்தது. ஆனால் தற்போது ஒரு ஆங்கில பதிப்பு முழு சேவை நிறுத்தம் செய்வது இதுவே முதல் முறை.

அமெரிக்காவில் தணிக்கை சட்ட மூலம் நிறைவேறுமெனில் ஒட்டுமொத்த சுதந்திரமும் பறிபோகும் என இணைதளங்கள் குறிப்பிட்டு ள்ளன. ஆனால் அமெரிக்க தரப்பு என்ன கூறுகிறது எனில் அமெரிக்க பொருட்களை கள்ளச்சந்தையில் அயல் நாடுகளில் இணையதளம் மூலம் விற்பதைத் தடுக்கவே இந்த புதிய சட்டமூலம் என்கிறது. அமெரிக்காவின் இந்த வாதத்திற்கு அமெரிக்க திரைப்பட மற்றும் இசை தொழில்துறையினரும் ஆதரவு தெரிவித்துள்ளனர்.

ஆனால் கூகிள் பேஸ்புக், யாஹ¤, டுவிட்டர், ஈ-பே, ஏ.ஓ.எல். ஆகிய இணையதளங்கள் அமெரிக்க அரசின் இந்தச் செயல் சுதந்திரம், பேச்சுரிமையை பறிக்கும் என்று எதிர்ப்பு தெரிவித்துள்ளன. கூகிள் நிறுவனம் தனது எதிர்ப்பை தனது முகப்புப் பக்கத்தில் வித்தியாசமாகக் காட்டும் என்று கூறியுள்ளது.

டுவிட்டர், சி.இ.ஓ. கூறு கையில்; தேசிய அரசியலின் ஒரு தனிப்பட்ட விடயத்தை எதிர்க்க சர்வதேச அளவில் முழு சேவையையும் நிறுத்துவது முட்டாள் தனமானது என்று மாற்று மாற்றுக் கருத்தை தெரிவித்துள்ளன.

போலீஸ் காரனுக்குப் பொல்லெடுத்தால்
தலை கால் புரிவதில்லை,,,