தலையில்லா முண்டங்கள்..!

by **கவிஞர் அஸ்மின்** Sun 12 Feb 2012 - 9:21

தலையெழுத்தை தலைகீழாய் எழுதிவைத்த ஆண்டவனேதந்துவிடு நல்வாழ்வை எமக்கு!-'தங்கத்
தலைவரினை' இழந்துவிட்டு தவிக்கின்ற 'எம்சமூகம்'
தலையிழந்து முண்டமெனக் கிடக்கு!

தலைவர்நாம் என்றவர்கள் தறுதலைகள் முன்னாலே
தலைகவிழ்ந்து நிற்கின்றார் எதற்கு-?அவர்
தலையாட்டி பொம்மைகள்போல் தனித்துவத்தை விட்டுவிடின்
தருவாரே சிலஎலும்பு அதற்கு!

தலையில்லாத் தலைகளினை தலைவரென நினைத்ததற்காய்
தலையிடிதான் எங்களுக்குப் பரிசு!-பதவிக்காய்
தலைசொறிந்து பல்லிளிக்கும் தலைவர்களால்
தடுமாறும் எம்வாழ்க்கை தரிசு!

தலைதடவி கண்களிலே கண்கெட்டோர் கைவைக்க
தலையணையில் எம்தலைகள் இருக்கு!-தங்கள்
தலைதப்பி னால்போதும் என்கின்ற கோழையரை
தேர்ந்தெடுத்த நாங்கள்தான் கிறுக்கு!

தலைப்பிறையை மேகத்தால் தகர்த்தெறிய முடியாது
தலைவர்களே கொண்டிடுவீர் ஒப்பு!-உங்கள்
தலைகளினை காப்பாற்ற கண்ணிருந்தும் குருடர்களாய்
தவறுகளை பார்த்திருத்தல் தப்பு!

தலையில்லா முண்டங்களாய் மாறிவிட்ட எம்மவர்க்கு
தலையாக ஒருதலைவன் எழுவான்!-அவன்
தலைவரவர் சுவடுகளில் தயங்காமல் நிதம்நடக்க
தளையொடிந்து சிரிக்குமெங்கள் எழுவான்!!

நன்றி.
*சுடர் ஒளி
*அடையாளம்(கவிதை நூல்)
*வார்ப்பு
*இருக்கிறம்-பெப்ரவரி-2011
*விடிவெள்ளி (10.03.2011)

by **முனாஸ் சுலைமான்** Sun 12 Feb 2012 - 14:53

தலையில்லாத் தலைகளினை தலைவரென நினைத்ததற்காய்
தலையிடிதான் எங்களுக்குப் பரிசு!-பதவிக்காய்
தலைசொறிந்து பல்லிளிக்கும் தலைவர்களால்
தடுமாறும் எம்வாழ்க்கை தரிசு!

:!+: :!+: :flower: ://:-:

by **mufees** Sun 12 Feb 2012 - 20:40

:!+: :!+:

by **நண்பன்** Sun 12 Feb 2012 - 20:53

தலையில்லா முண்டங்களாய் மாறிவிட்ட எம்மவர்க்கு
தலையாக ஒருதலைவன் எழுவான்!-அவன்
தலைவரவர் சுவடுகளில் தயங்காமல் நிதம்நடக்க
தளையொடிந்து சிரிக்குமெங்கள் எழுவான்!!

நம்பிக்கையான இந்த வரிகள் என்னைக் கவர்ந்தது கவிதை மிகவும் அருமையாக உள்ளது அஸ்மின் வாழ்த்துக்கள் :!+:

by Sponsored content

தலையில்லா முண்டங்கள்..!

தலையில்லா முண்டங்கள்..!

Re: தலையில்லா முண்டங்கள்..!

Re: தலையில்லா முண்டங்கள்..!

Re: தலையில்லா முண்டங்கள்..!

Re: தலையில்லா முண்டங்கள்..!