சவூதி அரேபியாவினால் 200 மெற்றிக் தொன் பேரீச்சம் பழங்கள் அன்பளிப்பு

by **முனாஸ் சுலைமான்** Sun 19 Feb 2012 - 6:36

சவூதி அரேபிய அரசாங்கத்தினால் இலங்கை மக்களுக்கு இலவசமாக பகிர்ந்தளிப்பதற்காக 200 மெற்றிக் தொன் பேரீச்சம் பழங்கள் இலங்கை அரசாங்கத்திடம் அண்மையில் உத்தியோகபூர்வமாக கையளிக்கப்பட்டன.

இந்த பேரீச்சம் பழங்களை இலங்கைக்கான சவூதி அரேபிய தூதுவர் அப்துல் அஸீஸ் பின் அப்துல் ரஹ்மான் அல் ஜமால், புத்தசாசன மற்றும் சமய விவகார அமைச்சரான பிரதமர் டி.எம்.ஜயரட்ணவிடம் கையளித்தார்.

இந்நிகழ்வில் சிரேஷ்ட அமைச்சர் ஏ.எச்.எம்.பௌசி, முஸ்லிம் சமய விவகார திணைக்களத்தின் பணிப்பாளர் வை.எல்.எம்.நவவி, சவூதி அரேபிய நிதி அமைச்சின் பிரதிநிதிகளான மிஷல் சுபைஹ் அல் அஸீஸ் மற்றும் அல் ராஜ்கி அப்துல் அஸீஸ் முகம்மட்; உள்ளிட்ட பலர் கலந்துகொண்டனர்.

நாடு முழுவதிலும் உள்ள பள்ளிவாசல்களின் ஊடாக பொதுமக்களுக்கு இந்த பேரீச்சம் பழங்கள் பகிர்ந்தளிக்கப்படும் என முஸ்லிம் சமய விவகார திணைக்களத்தின் முக்கியஸ்தர் தெரிவித்தார்.

இதேவேளை, புனித ரமழான் மாதத்தை முன்னிட்டு இது போன்ற இன்னுமொரு தொகுதி பேரீச்சம் பழங்கள் இலங்கை மக்களுக்கு இலவசமாக வழங்கப்படும் என கொழும்பிலுள்ள சவூதி அரேபிய தூதுவராலயத்தின் பேச்சாளரொருவர் தெரிவித்தார். (