குடியாத்தம் தேரோட்டத்தில் விபரீதம் தேரில் மின்சாரம் பாய்ந்து 5 பேர் பரிதாப சாவு : 30 பேர் படுகாயம்

by **mufees** Fri 4 May 2012 - 13:07

தேரில் மின்சாரம் பாய்ந்து 5 பேர் பலியான விபத்தில், தேர்க்குழுவினர் மீது நடவடிக்கை எடுக்கப்படும் என ஐஜி தெரிவித்தார்.வேலூர் மாவட்டம் குடியாத்தம் நெல்லூர்பேட்டை கருப்புலீஸ்வரர் கோயில் சித்திரைத் திருவிழா கடந்த 26ம் தேதி தொடங்கியது. இதன் முக்கிய நிகழ்ச்சியான தேரோட்டம் நேற்றுமுன்தினம் காலை 11 மணிக்கு தொடங்கியது. 56 அடி உயரமுள்ள இந்த தேர் முக்கிய வீதிகள் வரூ.யாக பவனி வந்து நள்ளிரவு 11.30 மணியளவில் நிலையை நோக்கி நெருங்கிக் கொண்டிருந்தது. அப்போது பலத்த மழை பெய்தது. பக்தர்கள் நனைந்தபடி தேரை வடம் பிடித்து இழுத்தனர். நெல்லூர்பேட்டை, பேரணாம்பட்டு சாலை சந்திப்பு தனியார் பள்ளி அருகே வந்தபோது தேரின் உச்சியானது மேலே சென்ற உயர் அழுத்த மின்கம்பியில் உரசியது. இதனால் தேரில் மின்சாரம் பாய்ந்தது.

இரும்பு சங்கிலியாலான வடத்தை பிடித்து இழுத்த பக்தர்கள் மீது மின்சாரம் பாய்ந்தது. இதில் சம்பவ இடத்திலேயே நெல்லூர்பேட்டையை சேர்ந்த ஈழத்தரசன்(24, பெல் ஊரூ.யர்), கார்த்திக்(19), வில்வநாதன்(55), புனிதா(32), விக்னேஷ் (19, பிளஸ்2 மாணவன்) ஆகிய 5 பேர் பரிதாபமாக இறந்தனர். இவர்களில் புனிதா, 7 மாத கர்ப்பிணி. மேலும் 30க்கும் மேற்பட்டவர்கள் மின்சாரம் பாய்ந்து துடித்தனர்.

இதனால் தேர் அங்கேயே நிறுத்தப்பட்டது. அங்கு பாதுகாப்பு பணியில் இருந்த போலீசார் மற்றும் பொதுமக்கள் உடனடியாக மீட்பு பணியில் ஈடுபட்டனர். அவர்கள் காயமடைந்தவர்களை ஆம்புலன்சில் ஏற்றி குடியாத்தம் அரசு மருத்துவமனைக்கு அனுப்பி வைத்தனர். இவர்களில் திலகவதி (30), குமார்(45), இவரது மனைவி சாந்தி(40) ஆகிய 3 பேர் வேலூர் அரசு மருத்துவமனைக்கும், குப்புசாமி (25), மேகநாதன் (30), மணி (26), மனோகரன் (52) ஆகிய 4 பேர் வேலூர் தனியார் மருத்துவமனைக்கும் அனுப்பி வைக்கப்பட்டனர். மற்றவர்கள் குடியாத்தம், வாணியம்பாடி அரசு மருத்துவமனைகளில் அனுமதிக்கப் பட்டுள்ளனர். இதுகுறித்து குடியாத்தம் டவுன் போலீசார் வழக்குப்பதிவு செய்து விசாரணை நடத்தி வருகின்றனர். தகவலறிந்த எஸ்பி கயல்விரூ. விரைந்து வந்து விசாரணை நடத்தினர். நேற்று காலை சம்பவ இடத்தில் கலெக்டர் அஜய் யாதவ், சுகாதார இணை இயக்குனர் சந்திரநாதன் ஆகியோர் விசாரணை நடத்தினர்.

5 பேர் குடும்பத்துக்கு நிதியுதவி
முதல்வர் ஜெயலலிதா நேற்று வெளியிட்ட அறிக்கை: இந்த துயரச் சம்பவத்தில் இறந்தவர்களின் குடும்பங்களுக்கு தலா ரூ.1 லட்சமும், பலத்த காயமடைந்தவர்களுக்கு தலா ரூ.25,000ம், லேசான காயமடைந்தவர்களுக்கு தலா ரூ.10,000ம் முதல்வரின் பொது நிவாரண நிதியிலிருந்து வழங்க ப்படும். இதேபோல், நாகூர் சந்தனகூடு ஊர்வலத்தில் விபத்தில் இறந்தவர்கள் குடும்பத்திற்கு தலா ரூ.1 லட்சம் வழங்கப்படும்.