தமிழர்களின் மாடுகளை நஞ்சூட்டி கொலை செய்த சிங்களவர்கள்! May 14th, 2012 அன்று பிரசுரிக்கப்பட்டது.

மட்டக்களப்பு எல்லைக் கிராமமான மங்களகம கெவிலியமடு பகுதியில் மேய்ச்சலுக்கு சென்ற தமிழர்களது மாடுகள் சிங்களவர்களால் நஞ்சூட்டப்பட்டு கொல்லப்பட்டதாக பண்ணை உரிமையாளர்கள் கூட்டமைப்பு பாராளுமன்ற உறுப்பினர் பா.அரியநேத்திரனிடம் முறைப்பாடு தெரிவித்துள்ளனர்.

மட்டக்களப்பு 35ஆம் கிராமத்தை சேர்ந்த சுந்தரராசா ரஞ்சன் என்பவரது ஆறு மாடுகள் நஞ்சருந்தி உயிரிழந்துள்ளதாகவும் சாமித்தம்பி பாலாத்தப்பிள்ளை என்பவரின் 75 பசுமாடுகள் காணாமல் போயுள்ளதாகவும் தெரிவிக்கப்பட்டுள்ளது.

தமிழர்களின் மேய்ச்சல் தரையில் அத்துமீறி குடியேறியுள்ள பெரும்பான்மை இனத்தைச் சேர்ந்த சிங்களவர்களாலேயே மேற்படி மாடுகள் கொல்லப்பட்டுள்ளதாக பண்ணையாளர்கள் பாராளுமன்ற உறுப்பினரிடம் முறைப்பாடு தெரிவித்துள்ளனர்.

பால் உற்பத்தியை அதிகரிக்க வேண்டும் எனக் கூறும் அரசாங்கம், மறு புறத்தில் பண்ணையாளர்களின் மேய்ச்சல் தரைகளில் குடியேற்றங்களை மேற்கொண்டு தங்களது கால்நடைகளை வளர்க்க முடியாமல் தடைவிதிப்பதாகவும் கடந்த காலங்களிலும் இவ்வாறு பல மாடுகள் சிங்களவர்களால் சுட்டுக்கொல்லப்பட்டும், களவாடப்பட்டும் உள்ளதாகவும் இதனால் இப்பகுதி பண்ணையாளர்களின் வாழ்வாதாரம் மிகமோசமாக பாதிக்கப்பட்டுள்ளதாகவும் மக்கள் கவலை தெரிவித்துள்ளனர்.