அருமை

by **rammalar** Fri 19 Oct 2012 - 12:05

-
தாமரைக்குளம்
அங்கேயே பிறந்து வளர்ந்த தவளை
குளமே வாழ்வு, குளத்து நீரே உயிர் மூச்சு
-
தாமரை இலைமேல் அமரும்
பூ மேல் வந்து உறங்கும், பகல்கனவு காணும்
-
ஆனால்...அப்பூவிலிருந்த தேனை மட்டும்
அத்தவளை கண்டு கொள்ளவே இல்லை
-
எங்கிருந்தோ பறந்து வந்தது ஒரு வண்டு
ஒரு விநாடியில் தேனை கண்டு கொண்டது
நிதானமாய் குடித்தது
ஒய்யாரமாய்ப் பாடியபடி பறந்து சென்றது
-
பார்த்தது பக்கத்து மரத்துக் குயில், பாடியது;
'அருகிலிருக்கும் தேனின் அருமை
எங்கிருப்பவனுக்கோ தெரிகிறது
அருகிலிப்பவனுக்குத் தெரியவில்லை...!
-
உயிர் நண்பனின் உன்னத திறமைகள்
உனக்கு மட்டும் தெரியாது போவதேனோ...!
-
========================================
>கவிஞர் மதிவாணன்
நன்றி: சுட்டி மயில்