வளையும் ஸ்மார்ட்போன்: சுருட்டி,மடக்கி பாக்கெட்டில் வைத்துக் கொள்ளலாம்

வளையும் தன்மை கொண்ட ஸ்மார்ட்போன் திரையை, சாம்சங் நிறுவனம்
அறிமுகப்படுத்தியுள்ளது. அமெரிக்காவின் லாஸ் வெகாஸ் நகரில் நடந்த சர்வதேச
மின்னணு சாதனக் கண்காட்சியின் போது இந்த காகிதம் போன்ற திரை அறிமுகம்
செய்யப்பட்டது.

இந்தத் திரை ஸ்மார்ட்போன்களிலும், டேப்லெட்களிலும்
பயன்படும் என்றும் அந்த நிறுவனம் கூறியுள்ளது. இத்தகைய போன்களை சுருட்டி,
மடக்கி நம்முடைய பாக்கெட்டுகளில் வைத்துக் கொள்ள முடியும்.
இந்தத்
திரையை உருவாக்க OLED என்று கூறப்படும் Organic Light Emitting Diode என்ற
தொழில்நுட்பம் பயன்படுகிறது. இதன்படி, ஒரு தாள்போன்ற பொருளில் கரிம வேதிப்
பொருள்களை பூசி, அதன் மூலம் காட்சிகளைத் தெரிய வைக்கிறார்கள்.

இது
தற்போதுள்ள எச்.டி., (HD) காட்சிகளை விட துல்லியமான படங்களை அளிக்கக்கூடிய
திறன் கொண்டது. கிட்டத்தட்ட இதேபோன்ற தொழில்நுட்பத்தைப் பயன்படுத்தி
டி.வி. ஒன்றையும் சாம்சங் நிறுவனம்அறிமுகப்படுத்தியுள்ளது.
இந்த டி.வி.
மிக மெல்லியது. சற்று வளைந்த நிலையில், இருக்கும். ஒரே நேரத்தில் இரண்டு
வெவ்வேறு படங்களைப் பார்க்க முடியும் என்பது இதன் சிறப்பம்சமாகும். இந்த
டி.வியுடன் வழங்கப்படும் கண்ணாடிகளில் ஒன்றை அணிபவர்ஒரு காட்சியையும்,
மற்றொரு கண்ணாடியை அணிபவர் மற்றொரு காட்சியையும் காணலாம்.

காணொளி : http://puthiyathalaimurai.tv/video-gallery?video=820

புதிய தலைமுறை