ஒருபால் திருமணத்திற்கு பிரிட்டன் பாராளுமன்றம் அங்கீகாரம்

by *சம்ஸ் Thu 7 Feb 2013 - 7:59

ஒருபால் திருமணத்திற்கு
பிரிட்டன் பாராளுமன்றம் அங்கீகாரம்

பிரிட்டனில் ஓரின சேர்க்கையாளர் திருமணத்தை அங்கீகரிக்கும் சட்டமூலத்திற்கு
அந்நாட்டு பாராளுமன்ற கீழவையில் அதிக பெரும்பான்மை ஆதரவு கிடைத்துள்ளது.
ஒருபால் திருமணத்திற்கு பிரிட்டன் பாராளுமன்றம் அங்கீகாரம் W-6

ஒருபால் திருமணத்திற்கு பிரிட்டன் பாராளுமன்றம் அங்கீகாரம் W-6

பிரிட்டனில் சிவில் மற்றும் மத அடிப்படையில் ஒருபால் திருமணத்தை அங்கீகரிக்கும்
சட்டமூலத்தின் மீதான வாக்கெடுப்பு கடந்த செவ்வாய்க்கிழமை பாராளுமன்றத்தில்
இடம்பெற்றது. நீண்டநேர விவாதத்திற்கு பின்னர் இடம்பெற்ற வாக்கெடுப்பில் 400
எம்.பி.க்கள் ஆதரவாக வாக்களித்ததோடு எதிராக 175 வாக்குகளே பதிவாயின.

எனினும் ஆளும்
பிரதமர் டேவிட் கெமரூனின் கன்சர்வேடிவ் கட்சியின் பெரும்பாலான எம். பிக்கள் இந்த
சட்ட மூலத்திற்கு எதிராக வாக்களித்தமை குறிப்பிடத்தக்கது. கன்சர்வேடிவ் கட்சியின்
303 உறுப்பினர்களில் 127 பேரே ஆதரவாக வாக்களித்தனர். எஞ்சிய 136 பேர் எதிராகவும் 40
பேர் வாக்களிக்காமலும் புறக்கணித்தனர்.
சமூக கட்டமைப்புக்கு வலுச் சேர்க்க இந்த முடிவு முக்கிய மைல்கல் என பிரதமர் டேவிட்
கெமரூன் அறிவித்துள்ளார். ஆனால் அவரது கட்சியைச் சேர்ந்த எம்.பி.க்கள் பலர் இது
பாரிய ஒழுக்கக் கேடு என பாராளுமன்ற விவாதத்தின்போது விமர்சித்தனர்.

எனினும்
பிரிட்டனில் ஒருபால் திருமணம் சட்டமாக அங்கீகரிப்பதற்கு முன் அது குறித்து
பாராளுமன்றத்தில் மேலும் விவாதங்கள் நடத்தப்பட வேண்டும் என்பதோடு அது பாராளுமன்ற
மேலவையிலும் அங்கீகரிக்கப்பட வேண்டும். உலகில் தற்போது 12 நாடுகளில் ஒருபால்
திருமணம் சட்டமாக அங்கீகரிக்கப்பட்டுள்ளது.
நன்றி தினகரன்