பாப்பரசர் தேர்வுக்காக செப்பல் மண்டபம் அடைப்பு

பாப்பரசர் தேர்வுக்காக
செப்பல் மண்டபம் அடைப்பு



புதிய பாப்பரசரை தேர்வு செய்யும் ரகசிய கூட்டம் இடம்பெறவுள்ள சிஸ்டின் செப்பல்
மண்டபம் மக்கள் பார்வையிலிருந்து செவ்வாய்க் கிழமை மாலை மூடப்பட்டது. எனினும்
பாப்பரசர் தேர்வுக்கான கர்தினால் அமர் குறித்த திகதி இன்னும் நிர்ணயிக்கப் படவில்லை.
மைகல் ஆஞ்சலோவின் வரலாற்று பிரசித்திபெற்ற ஓவியங்களைக் கொண்ட சிஸ்டின் செப்பல்
மண்டபம் புதிய பாப்பரசர் தேர்வான பின்னரே மக்கள் பார்வைக்கு திறந்துவிடப்படும் என
அறிவிக்கப்பட்டுள்ளது.

தற்போது மூடப்பட்டிருக்கும் சிஸ்டின் செப்பல் மண்டபம்
கர்தினால் களின் ரகசிய அமர்வுக்காக தயார்படுத்தும் பணிகள் ஆரம்பிக்கப்பட்டுள்ளன.
குறிப்பாக செப்பல் மண்ட பத்தின் பாதுகாப்பு ஏற்பாடுகள் உறுதிப்படுத்தப்படவுள்ளதோடு
வாக்குச் சீட்டுகளை எரிக்க பொருத்தமான அடுப்பொன்று தயார்படுத்தப்படவுள்ளது.

புதிய
பாப்பரசரை தேர்வு செய்யும் கர்தினால் அதற்காக ரகசிய கூட்டத்தின் போது வாக்குப்
பதிவில் தொடர்ந்து ஈடுபடுவார்கள். இந்த வாக்குச் சீட்டுகள் உடனுக்குடன்
எரிக்கப்பட்டுவிடும் என்பது குறிப்பிடத்தக்கது. எவ்வாறாயி னும் கர்தினால்க ளின்
ரகசிய அமர்வில் பங்கேற்கும் 115 கர்தினால்களுள் 5 கர்தினால்கள் இன்னும் ரோமை
வந்தடைய வில்லை என வத்திக்கான் குறிப்பிட்டுள்ளது.