பாகிஸ்தான் கிரிக்கெட் அணியின் கேப்டன்கள் மிஸ்பா, ஹபீஸ் திடீர் மோதல்

புளோம்பாண்டீன், மார்ச்.10-

தென்ஆப்பிரிக்காவுக்கு சென்றுள்ள பாகிஸ்தான் கிரிக்கெட் அணி 5 போட்டி கொண்ட ஒருநாள் தொடரில் விளையாடுகிறது. இதன் முதலாவது ஒரு நாள் போட்டி புளோம்பாண்டீன் நகரில் இன்று (இந்திய நேரப்படி பிற்பகல் 1.30 மணி) நடக்கிறது.

இதற்காக பாகிஸ்தான் வீரர்கள் தீவிரமாக தயாராகி வந்த நிலையில், அந்த அணியின் ஒரு நாள் போட்டி கேப்டன் மிஸ்பா உல்-ஹக், 20 ஓவர் அணியின் கேப்டன் முகமது ஹபீஸ் ஆகியோர் இடையே திடீரென கருத்து வேறுபாடு ஏற்பட்டுள்ளதாக தகவல்கள் கசிந்துள்ளன.

களம் இறங்கும் 11 பேர் கொண்ட அணியை தேர்வு செய்யும் விஷயத்தில் இருவரிடையே கடுமையான மோதல் போக்கு ஏற்பட்டிருக்கிறது. தொடக்க ஆட்டக்காரரான முகமது ஹபீஸ் 2-வது விக்கெட்டாக களம் இறங்கி விளையாட வேண்டும். சீனியர் வீரர்கள் சோயிப் மாலிக், அப்ரிடி இடம் பெற வேண்டும் என்று மிஸ்பா உல்-ஹக் விரும்புகிறார்.

ஆனால், தொடக்க ஆட்டக்காரராக களம் இறங்குவதில் உறுதியாக உள்ள ஹபீஸ், அணியில் மூன்று அல்லது 4 வேகப்பந்து வீச்சாளர்கள் இடம் பெற வேண்டும் என்று தனது வியூகங்களை எடுத்து வைத்தார்.

இந்த விவகாரத்தில், வீரர்களின் ஓய்வறையில் இருவரும் காரசாரமான வாக்குவாதத்தில் ஈடுபட்டதாகவும், பின்னர் சக வீரர்கள் தலையிட்டு அவர்களை சமாதானப்படுத்தியதாகவும் அங்குள்ள தகவல்கள் தெரிவிக்கின்றன.

ஆனால் மிஸ்பா, ஹபீஸ் இடையே விரிசல் ஏற்பட்டுள்ளதாக வந்த செய்தியை பாகிஸ்தான் கிரிக்கெட் வாரியம் மறுத்துள்ளது. இந்த விஷயம் தொடர்பாக தென்ஆப்பிரிக்காவில் உள்ள பாகிஸ்தான் அணி நிர்வாகத்திடம் விசாரணை நடத்தினோம். இதில் மிஸ்பா-ஹபீஸ் இடையே மோதல் இருப்பதாக வெளியான தகவலில் உண்மை இல்லை என்பது தெளிவாகியுள்ளது என்று பாகிஸ்தான் கிரிக்கெட் வாரியம் வெளியிட்டுள்ள செய்தி குறிப்பில் குறிப்பிடப்பட்டுள்ளது.

சரியான போட்டி