நடிகை சமந்தாவின் தலைக்கனம்!

by **நண்பன்** Wed 13 Mar 2013 - 9:53

நான் ஹீரோயினாக நடிக்கும் படங்கள் ஓடினாலும் ஓடாவிட்டாலும் அதைப்பற்றி எனக்கு கவலையில்லை என்று தைரியமாக கூறி வரும் சமந்தா தொடர்ந்து தமிழ், தெலுங்கு ஆகிய இரண்டு மொழிப்படங்களிலும் பிஸியாகத்தான் இருக்கிறார்.

இப்படி தொடர்ச்சியாக பட வாய்ப்புகள் கிடைப்பதாலோ என்னவோ சமீபகாலமாக அவர் டைரக்டர்களையும், சக நடிகர்களையும் மதிப்பதே இல்லை என்று கிசுகிசுக்கள் பரவ ஆரம்பித்திருக்கின்றன.

ஆனால் சமந்தாவிடம் இதுபற்றிக்கேட்டால் அய்யய்யோ என்னது எனக்கு ஹெட்வெயிட்டா? அப்படியெல்லாம் எதுவுமே கிடையாதுங்க என்று பதறுகிறார்.

மேலும் இது குறித்து அவர் கூறும்போது;

எனக்கு தலைக்கனம் எப்போதுமே வந்தது இல்லை. வீட்டில் சாதாரண பெண்ணாகத்தான் இருக்கிறேன். சினிமாவுக்கு வராமல் இருந்திருந்தால் நான் என்னவாக ஆகியிருப்பேன் என்று எனக்கு நன்றாகவே தெரியும். தமிழ், தெலுங்க படங்களில் தொடர்ந்து நடிப்பதற்கு அதிர்ஷ்டமே காரணம் என்று எனக்கு தெரியும். என்னை விட அழகான திறமையான பெண்கள் நிறையப் பேர் இருக்கிறார்கள். அவர்களுக்கு கிடைக்காத, அங்கீகாரம் எனக்கு கிடைத்து இருக்கிறது. அதற்காக நான் கர்வப்பட்டது இல்லை. என் வீட்டில் பெரிய நடிகைக்கான எந்த அடையாளமும் இருக்காது. சாதாரண வீட்டைப் போல்தான் இருக்கும். படப்பிடிப்பு இல்லாதபோது நானே சமைப்பேன்.

பெரிய நடிகையான போதும் சாதாரண பெண்ணைப் போலவே கடைகளுக்கு போய் கோப்பி குடிப்பேன்.

எனக்கென்று பெரிய ஆசைகள் எதுவும் கிடையாது. அப்படிப்பட்ட ஆசைகளை கனவு கூட காண மாட்டேன். எப்போதும் எளிமையாகவே இருக்கிறேன்.

இவ்வாறு அவர் கூறியிருக்கிறார்.