உங்கள் வெற்றியின் கவுண்ட் டவுன்…

-

ஓரு வேலையைத் தெளிவாகத் திட்டமிட்டு காலம் கடத்தாமல் இன்னும்
சொல்லப்போனால் குறித்த நேரத்திற்கு முன்பே முடிப்பதுதான் நேரச் சேமிப்பு.
ஆனால் நாம் என்ன செய்கிறோம்? “நேரம் எப்படிப் போச்சுண்ணே தெரியலை!’ என்று
சொல்லியே பலமணி நேரங்களைக் கடத்தி விடுகிறோம்.

இது ஒரு தேசியப் புலம்பல். கைக்குள் நீங்கள் பிடித்துவைத்திருந்த
பட்டாம்பூச்சியை நீங்கள் திறந்துவிட்டாலொழிய பறந்து போகாது. அதுபோலத்தான்
நேரமும்.

ஒரு சீன ஜென் குரு தாம் குளிப்பதற்காகத் தொட்டியில் நீர் நிரப்பும்படி
சீடனுக்குக் கட்டளையிட்டார். சீடன் ஒரு பெரிய வாளியைக் கொண்டு தொட்டியை
நிரப்பும்போது, மீதம் கொஞ்சம் நீர் இருந்தது. உடனே வாளியை ஒரு சுழற்று
சுழற்றினான். இருந்த மிச்ச நீர் எங்கு விழுந்தது என்று தெரியாமலேயே
விழுந்து காணாமல் போனது. இதைக் கண்டு குருவுக்குக் கோபம் வந்துவிட்டது.
சீடன் முதுகில் ஒரு போடு போட்டார். “”எதற்காகத் தண்ணீரை வீணடித்தாய்?
மீதியைச் செடிக்காவது ஊற்றியிருக்கலாம் அல்லவா?” என்று கடிந்து கொண்டார்.
சீடன் கடுப்பானான்.

“”நான் கொட்டியது ஒரு தம்ளர் அளவுகூட இருக்காது. இதனால் அந்தச் செடி
வளர்ந்து, காய் காய்த்து, பழங்களைத் தரப் போகிறதா… குருவே?”என்று
கோபமடைந்தான். ஆனால் கோபத்தை நேரடியாகக் குருவிடம் காண்பிக்க முடியுமா?
இதனால் தனது கேள்வியை சன்னமான குரலில் நாசூக்காக வெளிப்படுத்தினான்.

குரு அப்போது சொன்னார்: “”முட்டாளே.. நான் செடியின் வளர்ச்சிக்காகவா
சொன்னேன்… அரைத் துளியானாலும் அதற்கு மதிப்பளித்து வீணடிக்காமல்
இருந்தால்தான் நீ வளர்வாய்!”

நேரத்தைச் சேமிக்க முதலில் மனதளவில் தயாராக வேண்டும். இந்த நபரால்
நேரத்தைச் சேமித்து எந்த வேலையையும் குறித்த நேரத்தில் முடிக்க முடியும்
என்று தெரிந்தால் போதும் ஆளாளுக்கு உங்களை அள்ளிக் கொள்ள “லைன்’
கட்டிநிற்பார்கள்!

://:-: பகிர்வுக்கு நன்றி

://:-: :”@: