இலங்கையின் உயர்ந்த மனிதர் குணசிங்கம் கஜேந்திரன் கொழும்பில்

by **ansar hayath** Fri 15 Mar 2013 - 18:09

தமிழீழ விடுதலைப் புலிகள் இயக்கத்தின் முன்னாள் உறுப்பினரும் இலங்கையின் உயர்ந்த மனிதருமான குணசிங்கம் கஜேந்திரன் விளையாட்டுத்துறை அமைச்சர் மகிந்தானந்த அழுகமகேயின் வேண்டுகோளின்படி கொழும்பிற்கான விஜயத்தை மேற்கொண்டுள்ளார்.

தேசிய கூடைப்பந்து குழுவில் இவரை இணைத்துக் கொள்வதற்காகவே குணசிங்கம் கஜேந்திரன் கொழும்பிற்கு அழைக்கப்பட்டுள்ளார்.

சாவகச்சேரியை சேர்ந்த இவரது உயரம் 7 அடி 3 அங்குலமாகும். இவர் 2009 மே 17ம் திகதி இராணுவத்தினரிடம் சரணடைந்து பூசா தடுப்புமுகாமில் தடுத்து வைக்கப்பட்டு புனர்வாழ்வு அளிக்கப்பட்டதன் பின்னர் விடுதலை செய்யப்பட்டார். 34 வயதான குணசிங்கம் கஜேந்திரன் நான்கு வயதான ஒரு பிள்ளையின் தந்தை ஆவார்.