பசறையிலிருந்து கொழும்புக்கு கொண்டு வந்த 42 மூடை தேயிலை லொறியுடன் கொள்ளை

by **நண்பன்** Sat 6 Apr 2013 - 22:54

பசறையிலிருந்து கொழும்புக்கு கொண்டு வந்த 42 மூடை தேயிலை லொறியுடன் கொள்ளை
ஹப்புத்தளையில் வழிமறித்த கொள்ளையர்கள் கைவரிசை

பசறையிலிருந்து கொழும்பு நோக்கிவந்த தேயிலை லொறி ஹப்புத்தளை கஹகல்ல பிரதேசத்தில் வழி மறித்து கொள்ளையிடப்பட்டுள் ளதாக பொலிஸார் தெரிவித்தனர்.

பசறை பிரதேசத்திலுள்ள தேயிலை கம்பனிக்குச் சொந்தமான லொறியொன்று நேற்று முன்தினம் 42 தேயிலை மூடைகளுடன் கொழும்பு நோக்கிச் சென்றது.

இது இரவு 12 மணியளவில் ஹப்புத்தளை சந்தியை நெருங்கிய போது அருகாமையிலுள்ள கஹ கல்ல தோட்டப்பகுதியில் கப்வாகனமொன்றில் வந்த சிலர் லொறியினை வழிமறித்து சுமார் 9 இலட்சத்து 50 ஆயிரம் ரூபா பெறுமதியான 42 மூடையுடன் லொறினை பண்டாரவளை ஹீல்ஓய பிரதேசத்திற்கு கடத்திச் சென்றுள்ளனர். அங்கு சாரதியினையும் உதவியாளரையும் கட்டி வைத்து விட்டு கொள்ளையிட்டுச் சென்றுள்ளனர். குறித்த லொறிச் சாரதி உதவியாளர் ஆகியோர் பிரதேச வாசிகளால் காப்பாற்றப் பட்டுள்ளதாகவும் ஹப்புத்தளைப் பொலிஸார் மேலும் தெரிவித்தனர்.

கொள்ளை தொடர்பாக மேலதிக விசாரணைகள் பண்டாரவளை பொலிஸ் அத்தியட்சகர் ரொசன் திலகரத்தினவின் பணிப்புரைக்கமைய மேலதிக விசாரணைகள் இடம்பெற்று வருகின்றமை குறிப்பிடத்தக்க தாகும்.

தினகரன்.