லிபியாவில் கடாபி கால அதிகாரிகளுக்கு தடை

by **நண்பன்** Tue 7 May 2013 - 9:39

லிபியாவில் கடாபி கால அதிகாரிகளுக்கு தடை
லிபிய முன்னாள் தலைவர் முஅம்மர் கடாபி ஆட்சிக் காலத்தில் பதவியில் இருந்த அதிகாரிகள் அனைவரையும் பதவி நீக்கம் செய்யும் புதிய சட்ட மூலம் அந்நாட்டு பாராளுமன்றத்தில் நிறைவேற்றப்பட்டுள்ளது.

கடாபி காலத்து அதிகாரிகளை பதவி நீக்குமாறு கோரி ஆயுதம் தரித்த ஆர்ப்பாட்டக்காரர்கள் கடந்த ஒரு வாரமாக அந்நாட்டின் வெளியுறவு மற்றும் நீதி அமைச்சு கட்டடங்களை முற்றுகை இடப்பட்டுள்ள நிலையிலேயே இந்த சட்டமூலம் நிறைவேற்றப்பட்டுள்ளது.

எனினும் இந்த சட்டமூலத்தால் லிபிய அரசின் சிரேஷ்ட உறுப்பினர்களும் பாதிக்கப்படவுள்ளனர். குறிப்பாக பிரதமர் அலி சிதானும் பதவி நீக்கப்பட வாய்ப்பு ஏற்பட்டுள்ளது. அலி சிதான் கடாபி அரசில் இராஜதந்திரியாக செயற்பட்டவராவார்.

எவ்வாறாயினும் புதிய சட்ட திருத்தம் குறித்து சுற்றறிக்கைகளுக்கு இன்னும் இறுதி வடிவம் கொடுக்கப்படவில்லை. இதில் கடாபி ஆட்சியில் இருந்த 1969 தொடக்கம் 2011 ஆம் ஆண்டு வரையான காலத்தில் முக்கிய பதிவியில் இருந்த எவராயினும் வெளியேற்றப்படுவர் என குறிப்பிடப்பட்டுள்ளது.