காலிஃப்ளவர் முட்டை டிப்

by **ahmad78** Mon 13 May 2013 - 10:41

பச்சை இலைக் காய்கறிகளுள் ஒன்றான காலிஃப்ளவரை வைத்து வறுவல், பஜ்ஜி, மஞ்சூரியன் போன்றவற்றை செய்திருப்போம். அதனை முட்டையுடன் சேர்த்து செய்திருக்கமாட்டோம். ஆனால் இப்போது காலிஃப்ளவரை, முட்டை மற்றும் சில மசாலாப் பொருட்களில் நனைத்து, எண்ணெயில் பொரித்து ஒரு வித்தியாசமான சுவையில் ஒரு ஸ்நாக்ஸை செய்யலாம்.

அதற்கு காலிஃப்ளவர் முட்டை டிப் என்று பெயர். இது மாலை வேளையில் சாப்பிடுவதற்கு ஏற்ற ஒரு ஸ்நாக்ஸ். சரி, அதன் செய்முறையைப் பார்ப்போமா!!!

காலிஃப்ளவர் முட்டை டிப் 10-cauliflowereggdip

தேவையான பொருட்கள்:

காலிஃப்ளவர் - 1 கப்
முட்டை - 3
மிளகாய் தூள் - 1 டீஸ்பூன்
கரம் மசாலா தூள் - 1 டீஸ்பூன்
சிக்கன் மசாலா தூள் - 1/2 டீஸ்பூன்
உப்பு - தேவையான அளவு
எண்ணெய் - தேவையான அளவு

செய்முறை:

முதலில் காலிஃப்ளவரை கொதிக்கும் நீரில் போட்டு 5 நிமிடம் ஊற வைத்து, தனியாக ஒரு தட்டில் எடுத்து வைத்துக் கொள்ள வேண்டும்.

பின்னர் ஒரு பௌலில் முட்டையை உடைத்து ஊற்றி, அதில் கரம் மசாலா, மிளகாய் தூள், சிக்கன் மசாலா தூள் மற்றும் உப்பு சேர்த்து நன்கு அடித்துக் கொள்ள வேண்டும்.

பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், காலிஃப்ளவரை முட்டைக் கலவையில் நனைத்து, பொன்னிறமாக பொரித்து எடுத்தால், சுவையான காலிஃப்ளவர் முட்டை டிப் ரெடி!!!

http://tamil.boldsky.com/recipes/non-veg/cauliflower-egg-dip-003187.html