பலத்த மழையால் உத்தரகாசியில் கடும் நிலச்சரிவு: 60 பேர் பலி

by *சம்ஸ் Mon 17 Jun 2013 - 7:47

உத்தரகாசி, ஜூன் 17:-

தென்மேற்கு பருவமழை தீவிரமடைந்துள்ளது. இதன் காரணமாக கேரளா, கர்நாடகம் மற்றும் வடமாநிலங்களில் பலத்த மழை பெய்து வருகிறது. கடும் மழை காரணமாக உத்தரகாண்ட் மாநிலம் பெருமளவில் பாதிக்கப்பட்டுள்ளது. உத்தரகாண்ட் மாநிலம் உத்தரகாசியில் பெய்த பலத்த மழை காரணமாக நிலச்சரிவு ஏற்பட்டுள்ளது.

இந்நிலச்சரிவில் பலர் சிக்கிக் கொண்டனர். தகவல் அறிந்ததும் சம்பவ இடத்திற்கு விரைந்த மீட்பு படையினர் மீட்பு பணியில் ஈடுபட்டுள்ளனர். இன்று காலை கிடைத்த தகவலின்படி 60 பேர் இந்த நிலச்சரிவில் சிக்கி உயிரிழந்ததாக தெரிய வந்துள்ளது.

உத்தரகாசி யாத்திரைக்கு யாரும் செல்லவேண்டும் என்று அறிவிக்கப்பட்டுள்ளது. மழை, வெள்ளம் காரணமாக உத்தரகாசிக்கு செல்லும் சாலை பல்வேறு இடங்களில் துண்டிக்கப்பட்டுள்ளது. இதனால் 25000 யாத்ரீகர்கள் நடுவழியில் செய்வதறியாது தவித்துக் கொண்டிருக்கிறார்கள். அவர்களையும் மீட்டு அழைத்து வரும் பணி நடந்து வருகிறது.

மாலைமலர்