நகைச்சுவை...

மனநல மருத்துவமனையிலிருந்து 3 நோயாளிகள் பேசிக் கொண்டனர்:

பாலு : டேய் இன்னிக்கு ராத்திரி எல்லாரும் தூங்குனதும் நாம 3 பேரும் தப்பிச்சு வெளிய ஓடிடலாம்.

வேலு : ஆமா ஒரு ஏணி எடுத்து ரெடியா வை. வெளிய சுவர் உயரமா இருந்தா ஏறி குதிக்க உதவியா இருக்கும்.

பாலு : அப்டியே ஒரு இரும்பு கம்பியும் எடுத்துவை ஏற முடியலைனா சுவர ஓட்டபோட்டு தப்பிச்சுரலாம்;
*
*
*
சோமு:போச்சு போச்சு நாம தப்பிக்கவே முடியாது

பாலு&வேலு: ஏன்!!!!!!

சோமு: நான் இப்ப தான் பாத்துட்டு வரேன்.வெளிய சுவரே இல்ல,நாம ஏறி குதிக்கவும் முடியாது சுவர ஓட்டபோட்டும் தப்பிக்க முடியாது;

பாலு: சரி விடுடா முதல்ல அவங்க சுவர கட்டட்டும் நாம அப்புறமா தப்பிச்சு போலாம்

:/ 

 

பாபு: நேற்றுதான் பிளாக் பெல்ட் வாங்கினியா? நீ கராத்தே சாம்பியன்னு சொல்லவே இல்லையே...
கோபு: டிராயர் லூசா இருக்குன்னு பிளாக்பெல்ட் வாங்கினேன்!
- எஸ்.பி.நவீன் பாரதி,


சிறுவன்: அப்பா செய்யிற தப்பு, பிள்ளையைப் பாதிக்கும்கிறது சரிதாம்பா...
தந்தை: என்னடா... பெரிய பெரிய பேச்செல்லாம் பேசறே?
சிறுவன்: வீட்டுக் கணக்கை நீங்க தப்பா போட்டுக் கொடுத்ததுக்கு எனக்குல்ல உதை விழுகுது!
- தஞ்சை சுபா

ஏ சோமு: எங்க தொகுதி எம்.பி.க்கு மக்கள் கஷ்டப்படறதைப் பார்த்துட்டு சும்மா இருக்கமுடியாது!
ராமு: என்ன பண்ணுவார்?
சோமு: வெளிநாட்டுக்கு டூர் போயிடுவார்!!
- வெ.நரேந்திர குமார்,

""அழாதேடா கண்ணா, உன்னை அடிச்ச பையனை அடையாளம் காட்ட முடியுமா?''
""அவனுக்கு ஒரு காது இருக்காது. அது என் பாக்கெட்ல இருக்கு!''
- புருஸ்லி ஓவியாலயம், சிவகங்கை.

ராகுல்: காக்கைக்கும் அண்டங்காக்கைக்கும் என்ன வித்தியாசம்னு சொல்லு?
கோகுல்: தெரியாதுடா, நீயே சொல்லு...
ராகுல்: காக்கா கருப்பா பயங்கரமா இருக்கும்! அண்டங்காக்கா பயங்கரக் கடுப்பா இருக்கும்!!
- ஜே. செய்யது அலி, திருவாரூர்.

ஏ ""டாக்டர்... எனக்கு இரண்டு நாளா பயங்கரமான தலைவலி! பொறுக்கவே முடியலே...''
""நீங்க தலைவலியோட ஏன் பொறுக்கப் போறீங்க...?!''
- வி. வாசுதேவன்,

தினமணிகதிர்

ஒரு ஹெலிகாப்டரில் இருந்து வந்த கயிற்றைப் பிடித்துக் கொண்டு 9 ஆண்களும், 1 பெண்ணும் தொங்கிக் கொண்டிருந்தனர்.

இதில் யாராவது ஒருவர் கையிறை விட்டால் மட்டுமே ஹெலிகாப்டர் மேற்கொண்டு பறக்க முடியும். இல்லை என்றால் கயிறு அறுந்துவிடும்.

இந்த நிலையில், ஹெலிகாப்டரில் இருந்து யாராவது ஒருவர் தனது உயிரை தியாகம் செய்யுமாறு கோரிக்கை குரல் வருகிறது.

ஆனால், ஆண்களில் யாருமே உயிரை தியாகம் செய்ய முன்வரவில்லை.

அந்த சமயத்தில், அவர்களைக் காப்பாற்ற அந்த பெண் தானே முன் வந்து கயிறை விடுவதாகக் கூறுகிறாள்.

அவள் கயிறை விடுவதற்கு முன்பு, என் குடும்பத்துக்காக நிறைய தியாகம் செய்துள்ளேன். அதுபோல் இன்று உங்களுக்காக இந்த தியாகத்தைச் செய்கிறேன் என்று கூறினாள். இதைக் கேட்ட அனைத்து ஆண்களும், தங்களை மறந்து கைதட்டினர்.

பிறகென்ன... அந்த பெண் மட்டும் மீட்கப்பட்டு தனது இடத்தை அடைந்தாள்.

மகளிர்மணி

::)
-

இதிலிருந்து ஆண்களை ஏமாற்றும் வித்தையை பெண்கள் நன்றாக தெரிந்து வைத்திருக்கிறார்கள் என்று புரிகிறது.^_ ^_ ^_