இயற்கை அழகுக்கு எளிய வழிகள்

அழகாக ஒப்பனை செய்துகொள்வதில் பெண்களுக்கு உள்ள ஆர்வம் அனைவரும் அறிந்தது. அந்த ஒப்பனை, இயற்கையாகவும் இருந்தால் நன்றாயிருக்கும் அல்லவா? இதோ, சில இயற்கை அழகுக் குறிப்புகள்...

* சூரியனில் இருந்து வெளிவரும் புற ஊதாக் கதிர்கள் முகத்தில் படுவதால்தான் தோல் பாதிக்கப்பட்டு கருமை நிறமாகிறது. இதைத் தடுக்க கடல்பாசி, சந்தன எண்ணெய், பன்னீர் மூன்றையும் சில துளிகள் கலந்து தடவினால் தோல் அழகு பெறும். ஜாதிக்காயும், சந்தனப் பொடியும் கூடக் கலந்து தடவலாம் அல்லது கசகசாவில் எலுமிச்சைச் சாறு கலந்து தடவலாம்.

* பாலுடன் எலுமிச்சைச் சாறு கலந்து, அதனுடன் சிறிதளவு சர்க்கரையைச் சேர்த்து, முகத்தில் பூசவும். அரைமணி நேரம் கழித்து வெந்நீரில் கழுவினால் முகம் பளபளக்கும்.

* கசகசாவை ஊறவைத்து அரைத்து முகத்தில் தடவவும். காய்ந்ததும் கழுவினால் முகத்தில் சுருக்கம் விழாமல் பாதுகாக்கலாம்.

* பப்பாளிச் சாற்றை முகத்தில் தடவி வந்தால், வியர்க்குரு, கொப்புளங்கள் மறைந்து முகம் பளபளக்கும்.

* கொத்தமல்லி இலையை அரைத்துப் பூசினால் முகம் வசீகரமாக மாறும்.

* எல்லாவிதப் பழங்களும் முகத்திற்கு நல்லது. அவற்றை மசித்து முகத்தில் பூசினால் முகம் உடனுக்குடன் சுத்தமடைந்து பளபளப்பாய் காட்சி தரும்.

* தக்காளிச் சாறை உடம்பில் தடவி வந்தால் சருமத்தை மிருதுவாக்கி ஒளிரச் செய்யும்.

* கசகசாவை மூன்று அல்லது நான்கு ஸ்பூன் எடுத்து அரைத்து, வடித்த கஞ்சி அல்லது தயிரில் போட்டுக் கலக்கி உடம்பில் தேய்த்துக் குளித்துவர, சரும அரிப்பு, உடல் வெப்பம் போன்ற தொல்லைகள் தீரும்.

அழகா இருக்குரவங்களுக்கும் இது பொருந்துமா ?