நியூசிலாந்தை வீழ்த்திய இந்தியா: 117 ரன்கள் வித்தியாசத்தில் அபார வெற்றி

by **நண்பன்** Thu 17 Feb 2011 - 14:03

உலக கிண்ணக் கிரிக்கெட் போட்டியையொட்டி இந்தியா- நியூசிலாந்து அணிகள் மோதிய பயிற்சி ஆட்டம் சென்னை சேப்பாக்கம் மைதானத்தில் நடந்தது.டாஸ்
வென்று முதலில் பேட்டிங் செய்த இந்திய அணி 50 ஓவர்களில் 5 விக்கெட்டுகள்
இழப்புக்கு 360 ரன்கள் குவித்தது. கெப்டன் டோனி அதிரடியாக விளையாடி 108
ரன்கள்(64 பந்து, 11 பவுண்டரி, 3 சிக்சர்) குவித்து ஆட்டம் இழக்காமல்
களத்தில் இருந்தார்.
டோனியுடன் 5 வது விக்கெட்டுக்கு இணைந்த ரெய்னாவும் அதிரடி ஆட்டத்தை
வெளிப்படுத்தி 26 பந்துகளில் 4 பவுண்டரி, 3 சிக்சர்களுடன் 50 ரன்கள்
எடுத்தார்.
காம்பீர் 89 ரன்களும், கோக்லி 59 ரன்களும் எடுத்தனர். அடுத்து களம்
இறங்கிய நியூசிலாந்து அணி 43.1 ஓவர்களில், 243 ரன்களுக்கு ஆல்-அவுட் ஆனது.
அதிகபட்சமாக மெக்குல்லம் 58 ரன்களும், குப்தில் 38 ரன்களும், ரைடர் 32
ரன்களும் எடுத்தனர்.
இதையடுத்து இந்திய அணி 117 ரன்கள் வித்தியாசத்தில் அபார வெற்றி பெற்றது.
இந்திய அணி தரப்பில் நெக்ரா, ஹர்பஜன், சாவ்லா மற்றும் யுவராஜ்சிங் தலா 2
விக்கெட்டுகள் எடுத்தனர்.