மகளுக்கு மனநலம் இல்லை தந்தைக்கோ மனம் இல்லை:ராமேஸ்வரத்தில் தவிக்கும் இளம்பெண்

by **ராகவா** Sat 28 Jun 2014 - 12:30

ராமேஸ்வரம்:ராமேஸ்வரத்தில் தந்தையால் கைவிடப்பட்ட நிலையில் சுற்றித் திரிந்த மனநலம் பாதித்த இளம்பெண், போலீசாரின் பாதுகாப்பில் உள்ளார்.
மகளுக்கு மனநலம் இல்லை தந்தைக்கோ மனம் இல்லை:ராமேஸ்வரத்தில் தவிக்கும் இளம்பெண் Tamil_News_large_1008774

மகளுக்கு மனநலம் இல்லை தந்தைக்கோ மனம் இல்லை:ராமேஸ்வரத்தில் தவிக்கும் இளம்பெண் Tamil_News_large_1008774

ராமேஸ்வரம் அக்னி தீர்த்த கடற்கரை, கோயில் நான்கு ரதவீதியில், மனநலம் பாதித்த 18 வயது பெண் ஒருவர் நேற்று சுற்றித் திரிந்தார். பசிபோக்க டீக்கடை, ஓட்டல்களில் அணுகியபோது கடைக்காரர்கள் விரட்டினர்.அப்போது மனித நேயம் கொண்ட ஆட்டோ டிரைவர் ஒருவர், அப்பெண்ணுக்கு உணவு வாங்கி கொடுத்து, மகளிர் போலீஸ் ஸ்டேஷனில் ஒப்படைத்தார்.

அப்பெண்ணிடம் விசாரித்த போது, ''தேனி கே.கே.பட்டியை சேர்ந்த சுருளிமுத்து, பஞ்சவர்ணம் ஆகியோரின் மகள் தீபா,'' என்றவர், திடீரென '' நான் ஆந்திரா மாநிலம்,'' என கூறியதால் போலீசார் குழம்பினர்.மேலும், அவரது தந்தையுடன் ராமேஸ்வரம் வந்ததாகவும், கடற்கரையில் உட்கார வைத்துவிட்டு தந்தை சென்று விட்டதாகவும், கூறினார். மனநலம் பாதித்த பெண்ணை பராமரிக்க விரும்பாத 'பாசக்கார' குடும்பத்தினர், அக்னி தீர்த்த கடற்கரையில் விட்டு சென்றதாக போலீசார் தெரிவித்தனர்.

தவிக்கும் போலீசார்:

ராமேஸ்வரம் மகளிர் போலீஸ் ஸ்டேஷனில் ஒரு இன்ஸ்பெக்டர், ஒரு எஸ்.ஐ., போலீசார் 16 பேர் இருக்க வேண்டும். ஆனால் பணியில் ஒரு எஸ்.ஐ., போலீசார் ஆறு பேர் மட்டுமே உள்ளனர். அதிலும் எஸ்.ஐ., நீண்ட விடுமுறையிலும்; போலீசார் நான்கு பேர் கோயில் பாதுகாப்பு பணிக்கும் சென்று விட்டனர். நேற்று இருந்தது இருவர் மட்டுமே. இதனால், திடீர்.. திடீர் என எழுந்து வெளியே ஓடிய மனநலம் பாதித்த பெண்ணை விரட்டிப் பிடிக்க முடியாமல் பெண் போலீசார் படாதபாடு பட்டனர்.

டி.எஸ்.பி., விஜயகுமார் கூறுகையில், "பெண்ணை பெற்றோரிடம் சேர்க்க நடவடிக்கை எடுத்து வருகிறோம். முடியாதபட்சத்தில் காப்பகத்தில் சேர்ப்போம்,” என்றார்.

நன்றி:தினமலர்