புற்றுநோயால் பாதிக்கப்பட்ட பெண் குடும்பத்தினர் சூழ கௌரவ தற்கொலை

புற்றுநோயால் பாதிக்கப்பட்ட பெண் குடும்பத்தினர் சூழ கௌரவ தற்கொலை

மூளைப் புற்றுநோயினால் பாதிக்கப்பட்ட அமெரிக்க பெண் தற்கொலை உதவி சட்டத்தின் கீழ் ஒரோகனில் இருக்கும் தனது வீட்டு அறையில் அன்புக்குரிய குடும்பத்தினர் சூழ உயிரை மாய்த்துக்கொண்டார்.

29 வயதான பிர்னி மெய்னார்ட் சுகப்படுத்த முடியாத கட்டத்தில் மூளைப் புற்றுநோயால் பாதிக்கப்பட்டிருப்பது இந்த ஆண்டு ஆரம்பத்தில் கண்டுபிடிக்கப்பட்டது. இந்நிலையில் தனது உடல் நிலை மேலும் மோசமாகும் முன்னர் கடந்த நவம்பர் முதலாம் திகதி தனது உயிரை மாய்த்துக்கொள்ள அவர் தீர்மானித்திருந்தார்.
ஒரோகன் மாநிலத்தின் கௌரவத்துடன் மரணிக்கும் சட்டத்தின் கீழ் மருத்துவரின் உதவியுடன் விச ஊசியை பெற்றே கடந்த சனிக்கிழமை அவர் உயிரை மாய்த்துக் கொண் டுள்ளார்.
"எனது குடும்பத்தினர், நண்பர்கள் மற்றும் அன்புக்குரியவர்களுக்கு எனது பிரியாவிடையை தெரிவித்துக்கொள்கிறேன். நான் சந்தித்திருக்கும் மோசமான உடல் நிலையில் கௌரவத்துடன் எனது உயிரை மாய்த்துக்கொள்ள தீர்மானித்த தினம் இன்றாகும். இந்த கொ^ரமான மூளைப்புற்று நோய் என்னிடம் இருந்து அனைத்தையும் எடுத்து விட்டது" என்று மரணிக்கும் முன்னர் மெய்னார்ட் தனது பேஸ்புக் பக்கத்தில் குறிப்பிட்டிருந்தார்.
மூளை புற்றுநோயினால் மெய்னார்ட் மேலும் ஆறு மாதங்களே உயிர் வாழ முடியும் என்று கடந்த ஜனவரியில் அவருக்கு மருத்துவர்கள் அறிவுரை வழங்கி இருந்தனர். இந்த நோயின் தன்மை காரணமாக மரணம் வேதனை தரக்கூடியதாக இருக்கும் என அறிவுறுத்தப்பட்டது.

தினகரன்

வேதனை தரும் செய்தி!

ஒவ்வொருவர் வாழ்க்கையிலும் பல்வேறு சோதனைகள் வேதனைகள். பாவம்

சுறா wrote:ஒவ்வொருவர் வாழ்க்கையிலும் பல்வேறு சோதனைகள் வேதனைகள். பாவம்

இவைகளைப் பார்க்கும் போது நம்மை நாம் சமாதனப்படுத்திக்கொள்ள முடிகிறது  )*

மிகவும் கொடுமை