ஆயிரம் காலத்து உயிர்கள்...!1

ஆயிரங் காலத்து உயிர்கள்…!!
*
பள்ளிக்கூடத்தில் பயின்றப்
பட்டாம்பூச்சிகளை
வேட்டையாடிய வேடர்களே
நீங்கள் அழித்தது
ஆயிரங் காலத்துப் உயிர்கள்.
*
இளம் குழந்தைகளை
இரக்கமின்றி கொன்றொழித்த
கொடூர மதம் பிடித்த யானைகளே
நீங்கள் அழித்தது
செழித்து வளர வேண்டிய
ஆலவிருட்சங்கள்.
*
அன்பான குழந்தைகளின்
ஆசைக் கனவுகளைச் சிதைத்த
அகோரி அரக்கர்களே
நீங்கள் துண்டாய் வெட்டியெறிந்தது
பறவைகளில் பட்டுச் சிறகுகள்.
*   
மனசாட்சிகளை மதங்களிடம்
அடகு வைத்து விட்டு
மண்ணில் பிறந்த குழந்தைகளை
அழித்தக் கம்சர்களே
கல்விக் கண்திறக்கும் முன்னெ
காலனின் நரக எல்லை   
மரணத்திற்குள் தள்ளிவிட்டீர்களே…?
*
அன்பு வழிமுறையை கைவிட்டு
வன்முறையினை பின்பற்றும்
வழிப் போக்கர்களே
நீங்கள் அழிக்க நினைத்தது
பள்ளியில் பயிலும் இளம்
மாணவத் தும்பிகளை அல்ல
உலகில் உன்னதமாய் வாழும்
உயிர்களைப் பறிப்பதே
உங்கள் லட்சிய இலக்கு
*
பட்டு ரோஜாப் பூக்களைக் கிள்ளிப்
பறித்துவிடுவது எளிது
பதியம்போட்டு வளர்ப்பது தான்
பெரும் இஷ்டம் மிகக் கஷ்டம்.
உங்கள் பதினொராவது விரல் கொண்டு
உயிர்களைப் பறிக்காதீர்கள்
நாளை உங்களுக்காகக்
காத்திருக்கின்றன….??.
[ டிசம்பர் – 2014 -  பாகிஸ்தான் பெஷாவர் நகரில்
உயிர் இழந்தப் பள்ளிக் குழந்தைகள் நினைவாக… ]  

*

அருமை

அருமை அண்ணா கவலை நிறைந்த சம்பவம்

எல்லாம் உலக ஆசையின் மாயைகள்தான் எதற்காக இந்த உயிர்கள் பிடுங்ப்பட்டது அரக்கர்களின் இக்கொடடூரமான செயலில் அவர்கள் சாதித்துவிட்டது என்ன..? இரத்தக்களரிகள் மட்டும் உங்கள் உள்ளத்தில் ஊறிவிட்டதாலா இந்த வேலை..?
நசுக்கப்பட்ட இந்தப்பிஞ்சு மலர்களுக்குப்பின்னால் இன்றுவரை எத்தனை உயிர்கள் அழுதுகொண்டிருக்கிறது என்று இக்காடையர்களுக்குத் தெரியுமா என்ன..?

நசுக்கப்பட்ட இந்தப்பிஞ்சுகள் நாளை சுவனத்தில் நறுமணமாய் வீசட்டுமென நாமும் இறைவனை வேண்டுவோம்.

கவிதை மிகப்பிரமாதம்

நன்றி இனியவன்...

வாழ்க வளமுடன்