ஒன்றுபட்டு உலகையாள்வோம்.....

by **நேசமுடன் ஹாசிம்** Tue 30 Dec 2014 - 9:46

என் மனம் சிறகடித்துப்பறந்திருந்தது
ஆயிரமாயிரம் வார்தைகள்
ஆங்காங்கே தேங்கிக் கிடந்தது
என் தலைவனின் முடிவுகளுக்காய்
அத்தனையும் காத்திருந்தது

எங்கே உங்கள் தீர்மானம்
வரலாற்றுப் பிழையாகிடுமோவென்று
உன்னிப்பாய் ஊர்ந்தவண்ணமிருந்தேன்
உளம் மகிழும் முடிவுதந்து - மனங்களில்
முடிசூடா மன்னனானாய்

அங்கொன்றும் இங்கொன்றுமாய்
பட்சிகள் பல தன்பங்குப் பா ஓதுகின்றன
காதில் வாங்கிடாது - வேங்கையாய்
உம்வழியில் வீறு கொண்டு நடந்திடுங்கள்
நாளைய சரித்திரம் காத்திருக்கிறது

எட்டப்பர் கூட்டம் எள்ளிநகையாடுகின்றனர்
அவர்களின் மனசாட்சிக்கே நாளை
பதில்சொல்லாமல் தவித்துநிற்பர்
சமூகமென்னும் பெருங்கடலுடன்
விளையாடுகின்றனர் பேரலை மறந்து

பெருவெள்ளங் கடந்து
மனிதவெள்ளத்தின் ஆழங்கண்டு
ஆட்சியாளர்களின் அகமழுகிறது
ஆழும் போதே ஆற்றும் சேவையற்று
ஆசைக்கு அடிமையாயிருந்தனரே......

MY3 என்னும் சுனாமி
செல்லா இடங்களெல்லாம் சென்று
வெல்லும் சூட்சிமம் அமைத்து
நல்லோர் யாவரையும் சேர்த்து
நாளைய நலவுக்காய் காத்திருக்கிறார்

பெருந்தலைவன் அஷ்ரஃபின் வழியில்
உம்மோடு பயணிக்கும் நாங்கள்
உம் சுட்டுவிரல் திசையில்
துணிந்து நின்று உயிரும் விட
உளமாறக் காத்திருக்கிறோம்

நாளை தோற்றுவிட்டால்
என்ற கேள்வியில் பயணமெதற்கு
நாளைய தீர்ப்புக்கு அதிபதி எம் இறைவன்
தோற்றாலும் துவண்டிடா
துணிவுள்ள சமுகம் எம்முடையது

நாளைய சந்ததிக்காய்
இன்றைய முடிவில் உறுதியாகி
பெறுமதியான தீர்வுகளுக்காய்
ஒன்றுபட்டு உலகையாள
இன்றே புறப்படு என் தோழா.............

by **சுறா** Tue 30 Dec 2014 - 10:24

கொடியவனின் முடிவுகளால் ஏற்பட்ட காயங்கள் ஆற்றிட ஆண்டவன் இருப்பது உண்மையானால் தவறிழைத்தவன் தோற்கவேன்டும். நீதி என்றும் சாகாது. அது உறங்கும் ஒருநாள் விழிக்கும். அன்றைக்கு மவனே கரண்டு சேர் தான்

கவிதையிது என்று எண்ண மாட்டேன் இது ஒரு வருங்காலத்தை கூறும் வாக்குதத்தம். அருமை ஹாசீம் (கவிஞர்)

கவிஞர்களால் மட்டுமே புதிய தலைமுறையை உருவாக்க முடியும்.

by **Nisha** Tue 30 Dec 2014 - 13:15

கவிதையும் அதன் வரிகளும் அருமை! மைத்திரி எனும் அலையின் பின்னால் சென்றிட எடுத்த முடிவு நல்லதா இல்லையா என காலம் தான் முடிவு சொல்ல வேண்டும்.

மைத்திரியோ, மகிந்தவோ இனத்துவேசத்தினை களையப்போவதில்லை எனும் போது இது நல்ல முடிவு என்றுணர்ந்து அனைவரையும் பின் தொடரச்செய்யும் அழைப்பாய் கவிதை.. மன்னியுங்கள். கவிதைக்கருவில் எனக்கு உடன் பாடில்லை.

மாற்றம் ஒன்று தேவை என முடிவெடுத்து மாறினார்கள். வேறு வழி இல்லை எனும் போது எடுக்கப்பட்ட முடிவுக்கும் எடுத்த முடிவு நல்ல முடிவென்பதற்கும் வித்தியாசம் உண்டு.

மைத்த்திரியுடன் சேர்த்திருப்பவர்களில் எவரை நல்லவரென சொல்வீர்கள்?

பேனா முனை ஈட்டி முனையை விட கூரானது எனில் அந்தபோனாவை கையில் பிடிப்போர் எழுத்துக்கள் பின் வருவதையும் உண்ர்த்தாதோ?

உங்கள் தனிப்பட்ட கருத்து குறித்து நான் விமர்சிக்கவில்லை ஹாசிம். ஸாரி!

by **Nisha** Tue 30 Dec 2014 - 13:22

சுறா wrote:கொடியவனின் முடிவுகளால் ஏற்பட்ட காயங்கள் ஆற்றிட ஆண்டவன் இருப்பது உண்மையானால் தவறிழைத்தவன் தோற்கவேன்டும். நீதி என்றும் சாகாது. அது உறங்கும் ஒருநாள் விழிக்கும். அன்றைக்கு மவனே கரண்டு சேர் தான்

கவிதையிது என்று எண்ண மாட்டேன் இது ஒரு வருங்காலத்தை கூறும் வாக்குதத்தம். அருமை ஹாசீம் (கவிஞர்)

கவிஞர்களால் மட்டுமே புதிய தலைமுறையை உருவாக்க முடியும்.

புரியவில்லை! எப்படி ?

by **Nisha** Tue 30 Dec 2014 - 13:39

http://www.importmirror.com/2014/12/blog-post_299.html
ஒன்று பட்டு உலகையாள்வோம்..... கவிஞர் பாலமுனை ஹாஷிம்

by **நேசமுடன் ஹாசிம்** Tue 30 Dec 2014 - 16:26

சுறா wrote:கொடியவனின் முடிவுகளால் ஏற்பட்ட காயங்கள் ஆற்றிட ஆண்டவன் இருப்பது உண்மையானால் தவறிழைத்தவன் தோற்கவேன்டும். நீதி என்றும் சாகாது. அது உறங்கும் ஒருநாள் விழிக்கும். அன்றைக்கு மவனே கரண்டு சேர் தான்

கவிதையிது என்று எண்ண மாட்டேன் இது ஒரு வருங்காலத்தை கூறும் வாக்குதத்தம். அருமை ஹாசீம் (கவிஞர்)

கவிஞர்களால் மட்டுமே புதிய தலைமுறையை உருவாக்க முடியும்.

உங்கள் கருத்து உண்மைதான் நான் நாட்டில் இருந்திருந்தால் எனது வார்த்தைகள் மேடைப்பேச்சாக ஒலித்திருக்கும் கத்தாரில் இருப்பதால்தான் கவிதை வடிவமானது

நிச்சயமாக இறைவனை முன்னிறுத்தியே அத்தனையும் செய்திடல் வேண்டும் என்பது நம்பிக்கை ஆதலால் எது நடந்தாலும் அவனின் துணை எமக்குண்டு என்பதை மறுப்பதற்கில்லைதானே

குற்றம் இளைக்கின்வர்களுக்கு தண்டனை தரத் தகுதியானவன் இறைவன் மாத்திரமே அவனிடமே ஒப்படைப்பதன் மூலம் நாம் நிம்மதியாகிடலாம் என்பதுதான் கோட்பாடு அதைத்தான் பின்பற்ற முடிகிறது

நன்றி அண்ணா

by **நேசமுடன் ஹாசிம்** Tue 30 Dec 2014 - 16:31

Nisha wrote:கவிதையும் அதன் வரிகளும் அருமை! மைத்திரி எனும் அலையின் பின்னால் சென்றிட எடுத்த முடிவு நல்லதா இல்லையா என காலம் தான் முடிவு சொல்ல வேண்டும்.

மைத்திரியோ, மகிந்தவோ இனத்துவேசத்தினை களையப்போவதில்லை எனும் போது இது நல்ல முடிவு என்றுணர்ந்து அனைவரையும் பின் தொடரச்செய்யும் அழைப்பாய் கவிதை.. மன்னியுங்கள். கவிதைக்கருவில் எனக்கு உடன் பாடில்லை.

மாற்றம் ஒன்று தேவை என முடிவெடுத்து மாறினார்கள். வேறு வழி இல்லை எனும் போது எடுக்கப்பட்ட முடிவுக்கும் எடுத்த முடிவு நல்ல முடிவென்பதற்கும் வித்தியாசம் உண்டு.

மைத்த்திரியுடன் சேர்த்திருப்பவர்களில் எவரை நல்லவரென சொல்வீர்கள்?

பேனா முனை ஈட்டி முனையை விட கூரானது எனில் அந்தபோனாவை கையில் பிடிப்போர் எழுத்துக்கள் பின் வருவதையும் உண்ர்த்தாதோ?

உங்கள் தனிப்பட்ட கருத்து குறித்து நான் விமர்சிக்கவில்லை ஹாசிம். ஸாரி!

அரசியல் என்பதே அதுதான் அவரவருக்கு ஏற்ற பாணியில் அவரவரது இருப்பை தயார் செய்துகொள்கிறார்கள்
உங்களது கருத்தை முழுவதுமாக ஏற்றுக்கொள்கிறேன்.

யார் வந்திடினும் எது நடக்குமோ அது நடந்தேறும் மாற்றம் வருமா என்பதை பொறுத்திருந்துதான் பார்க்க வேண்டும்.

மாற்றித்தான் பார்ப்போம் என்று நாடே துணிகின்ற போது நாமும் ஒத்தோடுவதில் தவறில்லை என்பதுதான் எனது கருத்து

ஹக்கீமின் இந்த முடிவை தளத்தில் இருக்கின்ற மக்களோடு ஒப்பிட்டுப்பார்த்தால் அவர்கின் மனங்களின் ஆசையாகவே இருந்தது அதனால்தான் இத்தனை ஆரவாரம்

அதன் எதார்த்தம் நாளை தேர்தலின் பின்னர் அறிந்திடலாம் காத்திருப்போம்

by **நேசமுடன் ஹாசிம்** Tue 30 Dec 2014 - 16:32

Nisha wrote:http://www.importmirror.com/2014/12/blog-post_299.html
ஒன்று பட்டு உலகையாள்வோம்..... கவிஞர் பாலமுனை ஹாஷிம்

நன்றி அக்கா நான் அவருக்கு அனுப்பியிருந்தேன் பிரசுரிப்பதற்காக

by Sponsored content

ஒன்றுபட்டு உலகையாள்வோம்.....

ஒன்றுபட்டு உலகையாள்வோம்.....

Re: ஒன்றுபட்டு உலகையாள்வோம்.....

Re: ஒன்றுபட்டு உலகையாள்வோம்.....

Re: ஒன்றுபட்டு உலகையாள்வோம்.....

Re: ஒன்றுபட்டு உலகையாள்வோம்.....

Re: ஒன்றுபட்டு உலகையாள்வோம்.....

Re: ஒன்றுபட்டு உலகையாள்வோம்.....

Re: ஒன்றுபட்டு உலகையாள்வோம்.....

Re: ஒன்றுபட்டு உலகையாள்வோம்.....