அமேரிக்க மாநிலத்தில் துப்பாக்கிச் சூட்டு மரண தண்டனைக்கு அங்கீகாரம்

by **நண்பன்** Thu 12 Mar 2015 - 9:59

அமெ. மாநிலத்தில் துப்பாக்கிச் சூட்டு மரண தண்டனைக்கு அங்கீகாரம்

அமேரிக்க மாநிலத்தில் துப்பாக்கிச் சூட்டு மரண தண்டனைக்கு அங்கீகாரம் W-5

விச ஊசி கிடைக்காத பட்சத்தில் மரண தண்டனை நிறைவேற்றுவதற்கு துப்பாக்கிச் சூடு நடத்தும் குழுவை மீண்டும் ஆரம்பிக்க அமெரிக்காவின் உதாஹ் மாநில அரசு பரிந்துரைத்துள்ளது.
அமெரிக்காவில் மரண தண்டனை நிறைவேற்றுவதற் கான விச ஊசியை பெறுவதில் தேசிய அளவில் தட் டுப்பாடு நிலவுகிறது. ஒருசில மாநிலங்களில் பயன்படுத்தப்பட்ட விச ஊசி தோல்வியடைந்ததால் கைதிகள் மரணமடைய ஒரு மணி நேரம் வரை எடுத்துக் கொண்டது பெரும் சர்ச்சையை ஏற்படுத்தியது.
இந்நிலையில் உதாஹ் மாநில சட்டமன்றத்தில் மீண்டும் துப்பாக்கிச் சூட்டு குழு மூலம் மரண தண்டனை நிறைவேற்ற அனுமதிக்கும் சட்டமூலத்திற்கு நேற்று முன்தினம் அங்கீகாரம் அளிக்கப்பட்டுள்ளது. துப்பாக்கிச் சூடு மூலம் மரண தண்டனை நிறைவேற்றும் முறை ஒரு தசாப்தத்திற்கு முன்னர் அமெரிக்காவில் நிறுத்தப்பட்டுவிட்டது.
வேதனை தரும் விச ஊசி முறையை விடவும் உடன் மரணம் சம்பவிக்கும் துப்பாக்கிச் சூடு முறையை பயன்படுத்துவது மனிதாபிமானம் கொண்டதென இந்த சட்டமூலத்தை கொண்டுவந்த குடியரசு கட்சி சட்டமன்ற உறுப்பினர் போல் ரே விளக்கியுள்ளார். ஆனால் துப்பாக்கி அணி பயன்படுத்துவது கடந்த காலத்தில் நடைமுறையில் இருந்த கொ^ர முறைகளில் ஒன்று என்று அதனை எதிர்த்தவர்கள் வாதிட்டுள்ளனர்.
இந்நிலையில் இந்த முறை நடைமுறைக்கு வந்தால் அமெரிக்காவில் துப்பாக்கி சூடு மூலம் மரண தண்டனை நிறைவேற்றும் முதலாவது மாநிலமாக உதாஹ் இடம்பெறும். மரண தண்டனைக்கு விச ஊசி வழங்குவதற்கு ஐரோப்பிய மருந்தகங்கள் மறுப்பு தெரிவித்ததை அடுத்தே அமெரிக்காவில் விச ஊசிக்கு தட்டுப்பாடு நிலவி வருகிறது.

தினகரன்